ஶ்ரீ:
பதிவு தேதி : 18 ஜூலை 20017
*மௌனத்தை பிளந்து *
இயக்க பின்புலம் - 57
அரசியல் களம் - 38
தோல்விக்கு பின் ஒரு தலைமை மற்றமென்பது மரபாக இயன்று வருவது , அது சரியா என்பது விவாதத்திற்குறியதே . பல மாநிலத்தில் அதை மூப்பனார் பிறிதொருவர் மேல் பரிந்துரைத்திருக்கிறார் . இப்போது அதுவே அவருக்கும் வாய்த்திருக்கிறது , அவர் பொறுத்த அளவில் அது அவமானகரமானது . காலசூழல் மாற்றத்துற்குள்ளானதால் , அவரும் தனது செயல் முறைகளை மாற்றுவது பற்றிய தீவிர சிந்தனை தருணத்தில் இருந்தார் . பிறிதெவரிடமும் அவரது பணிந்து போகாத நிமிர்வு ஒரு வரம், எனினும் அதுவே அவரை யார்கீழும் தன்னை பொறுத்த முடியாமலானது .
தலைமை மீது விசுவாசம். அவர்கள் வழங்கிய “இடைவெளி” அதன்பொருட்டு அவரின் சுயமான முடிவுகள்,கொடுக்கப்பட்ட பொறுப்புகளை திறம்பட நிர்வகித்தது, அகில இந்திய உட்கட்சி பூசலில் பெருமளவில் தலையிடு , போன்றவைகளால் விளைந்த நட்பும் ,எதிர்ப்பும் மறைமுகமானது .யார் எப்போது எந்த முனைக்கு செல்வார்கள் என , யாரும் யூகிக்க இயலாது . நரசிம்மராவ் அவருக்குரிய மரியாதையை தருபவர் இருப்பினும் ,ராஜீவ் காந்தியின் மரணத்திற்கு பிறகு கட்சி அரசியல் போக்கில் பெருத்த மாற்றம் ஏற்பட்டு விட்டது , தனி தலைமை என்கிற நிலை மாறி கூட்டுத்தலைமை என்பதை நோக்கிய நகர்வு போல அப்போது அது தொடங்கியிருந்தது .
மூப்பனார் தனது இடத்திற்காக காத்திருந்தார் . சோனியா காந்தியின் அரசியல்பிரவேசம் எதிர்பார்க்கப்பட்டாலும், நாளுக்கு நாள் அதற்கான வாய்ப்புகள் குறைவதாக தென்பட்டகாலம் அது . இந்த சந்தர்ப்பத்தில்தான் பிட்டா பங்கேற்கவிற்கும் இளைஞர் காங்கிரஸ் மாநில மாநாடு . இப்படி பல காரணிகளின் பிண்ணனியில் எழுந்த முரணியக்கத்தின் விளைவுகளைத் தெரியாமல், நாங்கள் சென்னை புறப்பட்டோம்.
அன்று காலை 5:00 மணிக்கு சேகர் தொலைபேசியில் “சின்னவர் பேசியதாகவும் “ உடன் சென்னை கிளம்பிச்செல்ல வேண்டும் என பரபரப்பாய் சொன்னார். மூப்பனார் அன்று மாலை தில்லி செல்கிறார் , மாநாட்டிற்கு இன்னும் ஒரு வராமே உள்ள நிலையில , இது சம்பந்தமாக அவரை நேரில் சந்திக்து பேசும் கடைசி வாய்ப்பு இதுவாக இருக்கலாம் என்பதால். தாமதிக்காமல் காலை 5:30 மணிக்கு சென்னை கிளப்பினோம் . யாருடனும் எதுவும் கலந்தாலோசிக்க இயலவில்லை .பாலனிடம் பேசமுடியாது , எதையாவது குதர்க்கமாக சொல்லித்தொலையலாம் , பயணத்தை நிறுத்தினால் , பின் ஒருபோதும் இந்த தொடர்பை உபயோகப்படுத்த முடியாது . சுப்பாராயனை பிடிக்க முடியவில்லை . நேராக சென்று பார்த்துவிட்டு புறப்பட பொழுதில்லை.வழி நெடுக என்ன சொல்வது , எதை சொன்னால் அவரால் மறுக்க முடியாது.சண்முகத்தை , கண்ணன் இவர்களின் நிலை குறித்து பேச்சு எழுந்தால், எதைச் சொன்னால் சரிவரும். இப்படி பலவித சிந்தனையோடு சென்னையை நெருங்கிக் கொண்டிருந்தோம் .
மூப்பனாரை இரண்டொரு முறை உப்பளம் விடுதியில் பார்த்திருக்கிறன் . பாலன் சீட்டு விஷயமாக அவருடன் . மூப்பனார் எதிரில் உட்காரக்கூட இல்லை . மூப்பனார் ஒரு பெரிய ஆளுமை . இன்றும் நான் பெரிதும் மதிக்கும் சண்முகம் சமமாக யாரையாவது வைப்பேன் என்றால். அது மூப்பனார் மற்றும் வாழப்பாடி . மிக நெருக்கடியான காலத்தில் கூட தெளிவாக சிந்திக்கவும் பேசவும் கூடியவர்கள் , உட்கட்சி அரசியலில் எக்காலத்திலும் அவர்களின் வார்த்தைகள் பிழையுறுவதில்லை.
மூப்பனாரின் வீட்டை அடையும்போது காலை 8:10 மணி , நல்ல வேகத்தில் வந்திருக்கின்றோம் , அவர் 9:00 மணிக்குத்தான் வீட்டு மாடியிலிருந்து கீழே இறங்கி வருவார் . கொஞ்சம் நேரமிருந்தது . ஒருசிலர் வந்து சென்றபடி இருந்தனர், முக்கியஸ்தர்கள் என யாருமில்லை . "சின்னவர்" அனுப்பினார் என் சொன்னதும் , அவர் வீட்டு காரியதர்சியின் கண்கள் மாறுபடுவதை கவனித்தேன் . சிறு மரியாதையாக அது கூடியது , மேலதிகமாக சில விஷயங்களை சொல்வது அரசியலில் பிழையில்லை, வந்த காரியம் முக்கியம்
நான் அவரிடம் தாழ்ந்த குரலில் " முக்கியமான விஷயம் தனிமையில் சொல்ல சொன்னார்” என்று மட்டும் சொல்லிவைத்தேன் . அவர் மரியாதையுடன் அப்படியே செய்கிறேன் நேரமிருக்கிறது காலை உணவு சாப்பிடவில்லைனென்றால் சாப்பிட்டுவிட்டு வருமாறு சொன்னார் . திருப்தியுடன் அங்கிருந்து வெளியே வந்ததும் சேகர் “என்ன இப்படி சொல்லிவிட்டிர்கள்” , என சங்கோஜத்துடன் கேட்க .நான் சேகரிடம் “அவரை அழைத்துசென்றேயாக வேண்டிய நிபந்தம் . நீண்ட நேரம் அவர் யாருடனும் பேசுவதில்லை மேலும் அவரது தஞ்சாவூர் தமிழை ஒருமுறைக்கு இருமுறை கேட்டாலன்றி பிரித்தறியலாகாது . மேலும் என்ன பேசுவது என் இதுவரை புலப்படவில்லை .பதட்டத்தில் எனக்கு வார்த்தை ஏதும் எழாதும் போகலாம்” , “உங்களுக்கு அவர் நல்ல அறிமுகமா என்றதற்கு “இல்லை சில முறை அவரை வீட்டில் பார்த்ததுதான் “ என்றார் . “அதுபோதும் கும்பலின் நடுவே என்னால் வார்த்தை எடுக்க முடியாது. சில நிமிட அவகாசம் போதும் , நல்ல காலமிருந்தால் அவர் மூலமாக ஏதாவது ஒரு "கருத்துரு" கிடைக்கலாம் “ என்றேன் .
காலை உணவு வேகவேகமாக முடித்துவிட்டு அவர் வீட்டிற்கு வந்ததும் , பெரிய ஏமாற்றம் . நிறைய கூட்டம் கூடியிருந்தது . இன்று தர்ம தரிசனம்தான் , ஒன்னும் பேசமுடியாது. விதி. இவ்வளவு தூரம் வந்து இதான் பயன் . காற்றை பிடிங்கினாற்போல சக்தி முழுவதும் காணாமலாகி இருந்தது . மெள்ள கூட்டத்தை விலக்கிக்கொண்டு உள்நுழைந்ததும், மூப்பனார் இன்னும் கீழே வரவில்லை . என்றதும் சற்று நிம்மதியேறப்பட்டது. அவருக்காக காத்திருக்க துவங்கினோம்.
ஆழ்ந்த மௌனத்தை எதுவும் கலைக்கவில்லை . ஓசையற்றிருப்பது ஒரு சூழல் வதைப்பதை போல ,பிறிதெதுவும் செய்யாது . கணத்த சுவர் போல அது அங்கு நின்றிருந்தது. எனக்கு யாராவது சிறிது சபத்தமாக பேசினால் . இதை உடைத்து வெளிவரலாம் என ஏங்க ஆரம்பித்தேன்.
கருத்துகள் இல்லை:
கருத்துரையிடுக