அடையாளமாதல் - 126 *ஊழின் பலி *

ஶ்ரீ:

*ஊழின் பலி *

இயக்க பின்புலம் - 53

அரசியல் களம் - 36

தில்லியில் உள்ள புதுவை அரசினர் விடுதியில் தங்குவது இது முதல்முறை , கார் பயணித்த வழி ஏதாவது ஒன்று பார்த்ததைப்போல இருந்தால் பழைய நியாபகத்தில் இருந்து எதையாவது மீட்டெடுக்கும் கடுமையாக முயற்சியில்   இருந்தேன் . உள்ளே மனம் தன்னிச்சையாக செயல்படுவதை தற்காலிகமாக நிறுத்தி இது ஒரு சிறந்த வழி . ஆனால் என் நினைவு , எங்களை வேக வேகமாய் கடந்து மறையும் சாலைகளும் ,கட்டடங்கள் ,ஹோட்டல் ,மால் எல்லாம் நான் இதுவறை பார்த்திராத பகுதிகள் என சொல்லியபடி இருந்தது . ஆம் நான் இங்கு வந்ததில்லை , இதற்குமுன் தங்கியிருந்தது பழைய தில்லி .  இது புதுதில்லி ,இங்கு மொத்தமே ஓரு நாள் தான் அழைத்துவந்திருந்தார்கள் . புது தில்லி அரங்க அதிகாரங்களை வெளிப்படுத்தும் நகரம் நாங்கள் தங்க இருக்கும் பகுதி கௌடில்யா மார்க் , சாணக்யபுரி . சரியான பெயர்.

சாணக்கியபுரி ஒரு குறியீடுபோல மனதில் தங்கியது ,  நகர்தல்கள் என்னென்ன  நிகழலாம் என கேள்விகளை மனம் உள்ளெழுப்பிக்கொண்டே இருந்தது . விடுதி நெருங்கியது . மணிப்பூர் பாவணத்திற்கும் ,உபி பாவணத்திற்கும் இடையே மண் வண்ணத்தில் ஒரு கட்டடம் . அகலம் குறைந்த சிறிய விடுதி போல இருந்தது. புதுவையில் ரயில் நிலையத்தில் தீபத்தை கையில் உயர்தி வைத்தபடி  வரிவரியாக துணியால் தலையை மூடி குனிந்து எகிப்த்து பாணி பெண்ணை போல ஒரு சிலை இருக்குமே , அதன் பெரிய வார்ப்பு இது . மிக உயரமாக மாடங்கள் கூடிய முகப்பு . உள் நுழைந்ததும் , அகலம் குறுகியது போன்ற தோற்றம் இருந்தாலும் மிக நீண்ட கட்டிடம் அது 

முகப்பு நுழைவாயில் பக்கவாட்டில் அதன் வயிற்றுப் பகுதியில் இருந்ததால் அதன் பிரம்மாண்டம் தெரியவில்லை .நான்கு தளமுள்ளது . நாங்கள் இறங்கியதும் முதல்வருக்கு வழமையான அரசாங்க முறைமைகள் நிகழத்துவங்கியது. நான் அதில் ஆர்வமற்று விடுதியின் கட்டமைப்பில் கவனம் செலுத்தியபடி இருந்தேன்   அருகில் வந்த பாலன் . என்னிடம் இது ஜோசப் மரியதாஸ் சுற்றுலாத்துறை மந்திரியாக இருந்த போது கட்டியது என்றார் . உடையார் தன் வழமையான குறும்பாக அதான் மாதாக்கோவில் மாதிரி இருக்கிறது என்றார் . நாங்கள் முதல்வருக்கு நடக்கும் முறைமைகளை மறந்து சிரிக்க துவக்க அருகில் இருந்த காவல் அதிகாரி எங்களை ஏறிட்டுப்பார்க்க நாங்கள் அமைதியானோம் . நான் திரும்பவும் அந்த விடுதியை பார்த்த போது உடையார் சொன்னது சரிதான் அது மாதா கோவிலை மாற்றி வடிவமைத்த கட்டிடம் போல் தான் இருந்தது.

உடையார் பெரியவர் அவருக்கு தனி அறையும் ,முதல்வரின் செயலர் அறையில் பாலனும் தாங்கிக்கொள்ளும்படி ஒருங்கியிருந்தார்கள் . நானும் செயலர் அறையில் தாக்கிக்கொள்ளலாம் என்றதும் வைத்திலிங்கம் நான் இவ்வளவு பெரிய அறையில் தனியாக என்ன செய்யப்போகிறேன், என் பேச்த்துணைக்கு அரி என்னுடன் இட்டுக்கட்டும் என்றார் . 

எனக்கு சங்கடமாக இருந்தது. முதல்வர் அறையில் உடன் தூங்குவதில் பல சங்கடங்கள் எழலாம் . இயல்பாக இருப்பது கடினமாக இருக்கும். ஆனால் நான் முடிவெடுப்பதுற்குள் என் பெட்டிகள் முதல்வரின் அறையில் ஒருங்கிவிட்டன . எனக்கு முதலில் திகைப்பாக இருந்தாலும் அந்த ஒரு இரவிற்குள் நாங்கள் சகஜமாவிட்டோம் . 

அடுத்த ஒருவாரம் நிகழ்ந்தது ஏறக்குறைய ஒரே மாதிரியான நிகழ்ச்சிநிரல் .காலை அக்பர் ரோட்டில் உள்ள காங்கிரஸ் தலைமை அலுவலகம், பாராளுமன்ற வளாகம் மாற்றி மாற்றி காலை, மதியம் ,இரவு உணவு அனைவருக்கும் விடுதியில் தயாராக இருந்தது  , இரவு மாநில அரசியல் பற்றிய பேச்சிகள் இப்படிபோய்க் கொண்டிருந்தது . இரண்டு நாளில் ரயிலில் வந்த நண்பர்கள் அனைவரும் விடுதிக்கு வந்துவிட்டார்கள் . முதலில் சிறிதும் முகம்கொடாமையாக துவங்கினாலும் அன்று மதியத்திற்குள் அனைவரும் ஒன்று கூடிவிட்டோம் , நான் இரவு தூங்குவதற்கு மட்டும் முதல்வரின் அறைக்கு செல்வது பாக்கி நேரமெல்லாம் நண்பர்களுடன் அரட்டையாக சென்றது . இருந்த சிறு கசப்பும் காணாமலாகி இருந்தது.

காலை மாலை இருவேளை நடைக்கு இந்திய கேட் முதல்வருடன் சென்றுவிடுவேன் அவரது பேச்சு துணைக்கு , அதை தவிர்க்க இயலவில்லை . நான் இயல்பிலேயே கூச்ச சுபாவி என்பது முதலில் ஒரே பெரிய தடையாக இருந்தபோதிலும் . அது போக போக சரியாகிவிட்டது .

ஒரு அகில இந்திய கட்சியில் இருப்பதும் , அதற்கு தில்லி சென்று கட்சி விஷயங்களில் ஈடுபுவதும் மிகவும் செலவேறியது மட்டுமின்றி , மொழி உணவு தங்குமிடம் வாகனவசதி போன்றவை பெரும் தடை மட்டுமல்ல வதையும் கூட . ஓரளவிற்கு அங்கீகாரம் உள்ளவர்களுக்கு தலைமை அலுவலகத்தில் செவிகூர்வார்கள் . நம் தரப்பை நிரூவுவதற்கு வேண்டிய தரவுகளும் வாதங்களும் கோட்பாடுகளுமாக சலியாது முன்வைத்தபடியிருக்கவேண்டும் . 

சரியான இடைவெளியில் தொடர்சந்திப்புகள் இவைகளை தாண்டி உங்களை ஆதரிக்கும் ஒரு தரப்பை கண்டடைவது அவ்வளவு எளிதல்ல . தில்லியில் தலைமை அலுவலகத்தில் உள்ள யாரும் எதிலுமே இதுதான் நிலை என துணிந்து சொல்லிவிடமுடியாது . பெரும்பாலும் முடிவுகள் அரசியல் ரீதியானவைகள் , இதில் முரண்நகை. முடிவுகள் முதலில் எடுகப்பட்டு அதற்கான காரணம் மட்டுமே பின்னர் கண்டடையப்படும். அவை பெரும்பாலும் நிஜத்தை பிரதிபலிப்பதில்லை . மனசோர்வு அடைபவர்களுக்கானது இல்லை அரசியல் 

சண்முகத்தை மாற்றுவது முடியாதது என்பது  நாலைந்து நாட்களில் தெரிந்தது . அனைவரும் சோர்ந்து போயினர் , அடுத்தது பாலன் நிலை .மாற்றுவது சரிவராது என்பதை இதைக்கொண்டு இளைஞர் காங்கிரஸ் அலுவகத்தில் கோட்பாடாக வைத்துவிடலாம் என முடிவுசெய்யப்பட்டது . வைத்திலிங்கம் பாலன் இருவர் மட்டும் இளைஞர் காங்கிரஸ் அலுவகத்திற்கு இரண்டுநாள் சென்றுவந்ததும் , அன்று மாலை தகவல் வந்தது பாலனுக்கு பதவி நீட்டிப்பு வழங்குவதாக . பாலன் பெருமூச்சு விட்டார் , என்னிடம் பேசும்போது பதவியை ராஜினாமா செய்துவிட்டு பைத்தியம் போலானதாக உணர்ச்சிப்பெருக்கில் சொன்னார் . நான் மனதிற்குள் நினைத்துக்கொண்டேன் . என் கோட்பாடும் முடிவும் சரியானவைகளென . ஊர் திரும்பும் ஏற்பாடுகள் துவங்கின. இரவே கிளம்புவதாக முடிவானது.

வைத்திலிங்கம் சொல்லும்போது ஒரு நிபந்தனையுடன் பாலனுக்கு இந்தப்பதவி வழங்கப்பட்டதாக சொன்னார் . மூன்று மாத காலத்திற்குள் ஒரு பெரிய நிகழ்வொன்று புதுவையில் நடத்தப்பட வேண்டும் அகில இந்திய தலைமை அப்போது புதுவைக்கு வரும் என்றார் . 

அகில இந்திய தலைவர்பொறுப்பிலிருந்தவர். மனீந்தர் சிங் பிட்டா . இவர் பஞ்சாப் மாநிலத்தில் காலிஸ்த்தான் தீவிவாதிகளின் கொலை முதற்சியில் படுகாயமடைந்து தப்பிய போது ,அவரை நலம் விசாரிக்க வந்தருந்த பிரதமர் நரசிம்மராசாவின் கவனத்தை கவந்தார் . தில்லி திரும்பியதும் பிட்டாவிற்கு  வயது வரம்பை மீறி அவரது தியாகத்திற்கு பரிசாக இளைஞர் காங்கிரஸ் தலைவர் பதவியை கொடுத்தார்  . அவரது பதவி ஏற்பு விழாவிலே அவர் தீவிரவாத தாக்குதலுக்கு ஆளானார் . சுமார் பதினோரு முறை தாக்கப்பட்டு அனைத்திலும் தப்பி பிழைத்தவர் . 

அவரை புதுவைக்கு அழைத்து விழா என்றதும் வைத்திலிங்கம் பல வித அரசியல் நகர்வுக்கு திட்டமிட்டார் . அதுபற்றி அவர் விரிவாக என்னிடம் பேசிக்கொண்டேயிருந்தார் , தில்லியின் புறப்படும் நாள் நான் மிக உற்சாகமாக இருந்தேன் , ஒரு பெரிய சிக்கலிலிருந்து வெளிவந்த விடுதலை உணர்வு . வெகு நாட்களாக மனதை அழுத்திக்கிடந்த மேகம் விலகியது போல  ஆறுதலாக இருந்தது . ஆனால் என் அரசியல் வாழ்வை அது புரட்டிபோடப்போகிறது என் நான் உணராதது வினோதம் . தலைமைக்கு உதவுவதாக வந்து இதில் சிக்கிக் கொண்ட என் ஊழின் திட்டம் பிறிதொன்றாக இருந்தது