அவள் - ஜீவன் பென்னி

 அவள்

என்னைக் குறுக்காகக் கிழிப்பது

எனக்குப் பிடித்திருக்கிறது.

சிறிய நட்சத்திரத்தைக் கத்தரித்துக் கொண்டுவரும்

என் மகளை,

சிறு மலர்களை வெட்டிக்கொண்டு வரும்

இன்னொரு மகளை,

அப்படித்தான் என்னிலிருந்து தனியே எடுத்தார்கள்.

-  ஜீவன் பென்னி -

புதுவை வெண்முரசு கூடுகை 59 அழைப்பிதழ்

 

வெண்முரசு கூடுகை 59 நிகழ்வு

 

“கீதா முகூர்த்தம்” - 11. * காலமில்லா *

 

27.04.2023

“கீதா முகூர்த்தம்” -  11.

* காலமில்லா  *

ஆழ்மனப் புரிதலில் இருந்து அடுத்த கட்டம் அதை நோக்கிய புறவயமான பயணம் அதன் மீது கொண்ட அழுத்தமான நம்பிக்கையில் விளைவது . தாத்தாவின் பக்தி மிக எளிய பூஜை என்பதே காலையில் நெற்றிக்கு இடும் திருமண்னுடன் துவங்கி அங்கேயே முடிந்து விடுகிறது . அன்று வீட்டில் பூஜை அறை என ஒன்று தனியாக இல்லை கூடத்தில் கிழக்கு நோக்கி சுவற்றில் மாட்டப்பட்டிருக்கும் தெய்வங்களின் படங்கள் அதற்கு நடுவில் சிறிய விளக்குமாடம் அதில் காமாட்சியம்மன் விளக்கு. அது இரு பக்க யானைகளுடன் கூடிய மஹாலட்சுமி புடைப்பு சிற்பம் கவண்டது . அன்று “அதை ஏன் காமாட்சியம்மன்”? என சொல்லுகிறார்கள் என யோசிப்பதுண்டு. அம்மா அல்லது அக்கா யராவது தீபம் ஏற்றுவார்கள். அதற்கு முன்பாக மீராபாய் அல்லது லக்ஷ்மிபாய் அக்கா தாத்தாவிற்கு திருமண் இட்டு விடுவார்கள். கண் அறுவைசிகிழ்ச்சைக்கு பிறகு அவர் தனது கண்பார்வை இழந்திருந்தார். திருமண் இட்டு முடித்தபின் அக்காவிடம் கண்ணாடியை காட்ட சொல்வார் அது ஒரு சடங்கு என நான் நினைத்துக் கொள்வேன். மீராபாயிடம் நான் “கண் தெரியாதவர் எதற்கு தன்னை கண்ணாடியில் பார்க்க முயல்கிறார்” என கேட்டதுண்டு . “அந்த கிழத்திற்கு நன்றாக கண் தெரியும் நம்மை சும்மா ஏமாற்றுகிறது” என்பாள். விசேஷ தினங்களில் சுடராட்டு செய்கிற போது சில படங்களுக்கு எதிரில் நீண்ட நேரம் எடுத்துக் கொள்வதும் கண்கள் பொங்கி மனம் விம்முவதை பார்த்திருக்கிறேன். பார்வையால் அல்லது மனத்தால் எதனருகிலோ மிக நெருக்கமாகி விடுவதாக தோன்றுவதுண்டு. ஒரு வேளை மீராபாய் சொல்லுவது போல நல்ல வெளிச்சத்தில் அவரால் அந்த காட்சிகளை பார்க்க முடிந்திருக்கலாம் .

 

புதுவை காந்தி வீதியின் வராதராஜப்பெருமாள் கோவிலில் தனது இஷ்ட தெய்வமான பாண்டுரங்கனுக்கு தனி சன்னதி எழுப்பியதுடன் அங்கு அவர் தனது ஆழமான புரிதலை எப்படிப்பட்டது என அனைவருக்குமாக அங்கு பதித்தார் என நினைக்கிறேன். மூலவருக்கு எதிரில் சிறு பலிபீடம் நிறுவி அங்கு தன்னை அதன் காலடியின் கீழ் விழுந்து வணங்குபராக ஓர் புடைப்பு சிற்பம் வடித்து பதித்து வைத்து அவர் காலம் கடந்து அங்கு இருந்து கொண்டிருப்பவராக தன்னை வைத்துக் கொண்டார்  . அந்த தனி சன்னதி திருவுரு முன்பாக காலமல்லாத ஒரு காலத்தில் இருந்து கொண்டிருக்கிறார்.

புதுவையில் அன்றிருந்து பெரும் செல்வந்தர்கள் மத்தியில் நடுத்தர வகுப்பைச் சேர்ந்த ஒருவர் தொடர்ந்து செய்து வந்த கோவில் கைய்கர்யம் அவரது ஆழ்மனத்தை நோக்கிய பயணம் என்பதைத் தவிர வேறு காரணங்கள்  இருக்க முடியாது என நினைக்கிறேன். வரதராஜப் பெருமாள் கோவிலில் ராமநவமி உற்சவம், வேதபுரீஸ்வரர் கோவிலில் ஆனித்திருமஞ்சனம் . பாண்டுரங்கனுக்கு ஒவ்வொரு மாத ரோகிணி நட்சத்திரத்தன்று திருமஞ்சனம் என நித்திய, மாத வருடாந்திர பூஜை உற்சவத்தை ஏற்படுத்தி வைத்தபின் அவர் மிக உச்ச நிகழ்வாக செய்தது  மணற்குள விநாயகர் உற்சவ மூர்த்தி . பின் அதற்கு  மாசி மக கடற்தீர்த்தவாரி உற்சவத்தை ஏற்படுத்தினார் . மணற்குள விநாயகர் உற்சவ மூர்த்தி கடற்கரைக்கு சென்று வீதியுலாவாக கோவிலுக்குள் செல்லும் முன்பு தன் பக்தன் இருக்கும் வெள்ளாழர் வீதி உள்ள அவரது வீட்டிற்கு எழுந்தருள்வதுடன் அந்த உற்சவம் முடிவிற்கு வருகிறது . 

அன்று வெள்ளாழர் வீதியில் இருக்கும் அவரது அனைத்து மகன்களின் வீட்டிற்கும் அது செல்லும். ஒவ்வொரு வீட்டின் முன்பாக நின்று தாத்தா அந்த வீட்டிற்கு தரும்  மரியாதையை ஏற்றபின் அந்த குடும்பத்து மூத்த உறுப்பினர் கோவில் மரியாதையை எற்றுக் கொள்வார். மணற்குள விநாயகர் மனம் கனிந்து அந்த வீட்டிற்கு வரும் சடங்காக வில்வக்களை என்கிற பத்து சுடராட்டு நிகழ்த்தப்பட்டு அது அந்த வீட்டின் பூஜை அறைக்கு கொண்டு செல்லப்படுவதுடன் அவரது குடும்ப நிகழ்வு முடிவிற்கு வரும். இது அணைத்து  குடும்பத்திலும் சுமார் ஐம்பது ஆண்டுகளுக்கு மேலாக நிகழ்ந்து கொண்டிருந்தது.

வெள்ளாழர் வீதி , காந்தி வீதி சந்திப்பில் உள்ள கங்கை விநாயகருக்கு உற்சவமூர்த்தி செய்து வைத்தது போன்றவை புரிந்து கொள்ள முடிகிறது . ஆனால் திகைப்பூட்டுவது வடலூர் வள்ளலார் மடத்தில் நடக்கும் தைபூசத்திற்கு ஒரு மூட்டை அரிசி அனுப்புவதை வழக்கமாக கொண்டிருந்தார். இன்னதென உறுதிப்பாடில்லாது அனைத்தையும் பிடித்து தனது மறுமை வாழ்கைக்கு தன்னை காக்கும் தெய்வத்தை பற்றிய மன ஊசலில் இருந்தாரா ? என்றால் இல்லை. ஆரம்பம் முதல் தனது இறுதி கணம்வரை தன்னை தீவிர வைணவராக இருத்திக் கொண்டார். அவரது புஷ்டிமார்க பயணம் பாண்டுரங்கனை இலக்காக கொண்டிருக்க வேண்டும் . ஆனால் அனைத்து சம்பிரதாயங்களை ஏற்கும் மனவிரிவு கொண்டவராக அவரை அறிந்து கொள்கிறேன். நான் வரதராஜ பெருமாள் கோவிலுக்கு செல்லும் ஒவ்வொரு முறையும் தாத்தாவிற்கு அறிமுகமான அந்த கோவில் பட்டாசார்யார் என்னை பார்த்தவுடன் சொல்லுவது புயல் மழை என எதையும் பொருட்படுத்தாது கோவிலுக்கு வந்து ஒவ்வொரு சன்னதி விளக்கிலும் எண்ணை வார்ப்பதை விடாமல் செய்து வந்ததை நினைவு கூறுவார்

வாழ்வின் இறுதி கணத்தை மிக தெளிவாக தெரிவு செய்து வைத்ததுடன் அந்த நாளுக்காக கசப்பில்லாத  வாழ்கையை வைத்து அந்த இறுதியை நோக்கிய பயணத்தில் வைத்திருந்தார்  . தான் எரியூட்டப்படும் அந்த நிகழ்விற்கு இரண்டு பெருட்களை அவர் வாழ்நாட்கள முழுவதும் சேர்த்தார் . ஒன்று தனது சிதைக்கு வைக்கும் சந்தனக்கட்டை மற்றொன்று “பாகவத பாததூளி” எனப்படும் பக்தர்களின் காலடி மண். இதை அவர் தான் செல்லும் ஒவ்வொரு கோவிலின் நுழைவுவாயின் மூலையில் சேர்ந்திருக்கும் மண் மற்றும் புழுதியை சிறிது எடுத்து வந்து ஒரு வெள்ளி கூஜாவில் போட்டு வைப்பதை வழக்கமாக கொண்டிருந்தார் . அவர் எரியூட்டப்படும் முன்னர் அவர் மீது அவரது மகன்களால் தூவப்பட்டது  வாழ்நாளெல்லாம் அவர் காப்பாற்றிய விழுமியங்கள் அவரை காத்திருக்க வேண்டும்.

பிள்ளைகளுக்கு விட்டுச் செல்லும் சொத்துக்களை தான் இருந்த காலத்தில் தெளிவாக பகுத்து வைத்தார். ஆவணம் எழுதும் கணத்தில் பாட்டி ஆதிலக்ஷ்மி அம்மாள் தனக்கென ஒன்றுமிலையா? என கேட்டபோது அதிர்ந்த தாத்தா தோப்பு  மற்றும் அது சார்ந்த பாசனக்குளம் இரண்டையும் பாட்டிப் பேருக்கு மாற்றி எழுதி அவரது காலத்திற்கு பின்னர் தங்களது பிள்ளைவழி ஆண்வாரிசுக்களுக்கு என எழுதி வைத்தார் . பாட்டி தாத்தாவிற்கு பல ஆண்டுகளுக்கு முன்பாக மண்மறைந்தார் . அதில் வினோதம் அந்த  சொத்து காரணமாக  குடும்பத்தார் இரு பிறவாக பிளந்து  நிழ்ந்த சச்சரவு தாத்தாவின் குடும்ப விழுமியத்திற்கு எதிராக சென்றது . இந்தப் பதிவு அந்த சச்சரவு பற்றி சொல்லவந்ததல்ல. குடை கோவிந்தசாமி என்கிற மனிதரின் அக மற்றும் புறவய தேடல் பயணம் கோட்பாடுகளை தனது செயல்பாடுகள் வழியாக அவர் வாழ்வியலில் கண்டடைந்தது என்ன என்பது பற்றியது.அவர் மண் மறைந்தாலும் அவரது விழுமியங்கள் அவரை இன்றளவும் காக்கின்றன என்கிற புரிதல் எனக்கு திகைப்பைக் கொடுத்தது

அடையாளமாதல் * மெல்லத் திரள்வது *

 

ஶ்ரீ:

பதிவு : 676  / 865 / தேதி 26 ஏப்ரல்  2023

* மெல்லத் திரள்வது * 

“ ஆழுள்ளம் ” - 04

மெய்மை- 74.

திமுக உடனான கூட்டணி நீடிக்கும் என அவர் அந்த ஆலோசனைக் கூட்டத்தில் அறிவித்தது கண்ணனை கொந்தளிக்க செய்தது. கண்ணனைப் பற்றிய எனது புரிதலும், மூப்பனாருடனான அவரது உறவைப் பற்றி முன்பே அறிந்திருந்ததனால் கண்ணன் குறித்த எனது கணக்குகள் அனைத்து காலகட்டத்திலும் மிக இயல்பாக பொருந்தி போனது. அதற்கான காரணமாக இரண்டை சொல்லுவேன். ஒன்று அவரை மிக அருகில் இருந்து பார்த்து அவதானித்தது இரண்டு அவற்றை ஒட்டி பின்னாளில் தலைவர் சண்முகம் கூற்றாக பல முறை கேட்டது. புதுவை அரசியலாளர்களில் சண்முகம் மட்டுமே கண்ணனை மிக தெளிவாக வரையறை செய்தவர் . அவரிடம் இருந்து எனது கருத்துக்களை கூர்படுத்திக் கொண்டேன். கண்ணனை பற்றிய அவரது அவதானிப்புகள் இரண்டும் ஏறக்குறைய ஒன்று.  ஒன்று கண்ணன் என்றும் யாரையும் தனக்கு மேல் என வைத்து பணிந்ததில்லை. இரண்டு தனக்கான அரசியலை எந்நிலையில் நின்று வென்றெடுக்கவும் அவர் தயங்கியதில்லை. அரசியலில் அவர் தொட வேண்டிய உச்சத்தை இழந்தது போனது இந்த மனநிலை காரணமாக . அதையே இப்போதும் எடுத்தார் புதுவை அரசியலில் தனக்கான கரு உருவாகி வரும் என கணக்கிட்டிருந்தார். அவரது இளைஞர் அமைப்பிற்கு அழைப்பு விடுத்தது நான் உருவாக்கியது அவர் நினைத்த அந்த கருவிற்கு மிக நெருக்கமானது என்பதால் எனது கணக்கு மிக சரியாக அந்த காலகட்டத்தில் பொருந்துப் போனது. ஆனால் அதன் பின்னால் எனக்கு வேறு கணக்குகள் இருந்தன. 

புதுவை கூட்டணியில் இருந்து கண்ணனை மூப்பனாரால் வெளியேற சொல்ல முடியாது. அவர் வாஜ்பாய் அரசாங்கத்தில் பங்கு பெற்றிருப்பதால் அவரது அகில இந்திய அரசியல் நிலைபாடுகளை அது பாதிக்கும். கண்ணனின் நிலையில் அன்று மூப்பனாரும் இருந்தார். அவரது கட்சி பாராளுமன்ற உறுப்பினர்களில் பா.சிதம்பரம், ஜெயந்தி நடராஜன் போன்றவர்கள் அவருக்கு எதிரான மனநிலையில் இருந்தனர். 

அது கண்ணனுக்கும் தெரியும். புதுவை கூட்டணியில் இருந்து வெளியேற கண்ணனுக்கு மூப்பனாரின் ஒப்புதல் தேவையில்லை. அவரது தயக்கத்திற்கு காரணம் முக்கிய அவரது கட்சியை சேர்ந்த அமைச்சர்கள் மற்றும் சட்டமன்ற உறுப்பினர்கள் கண்ணனுக்கு எதிராக இருந்தனர். மூப்பனாரிடம் அவர்கள் காட்டிய நெருக்கம் கண்ணனை கொந்தளிக்கச் செய்திருந்தது. கண்ணன் கூட்டணியில் இருந்து வெளியேறுவதாக அறிவித்தாலும் அவரது கட்சியை சேர்ந்த உறுப்பினர்கள் அதற்கு உடன் பட மாட்டார்கள். அவர் மிக சரியான சந்தர்ப்பத்திற்கு காத்திருந்தார். நான் அந்த அதை அவருக்கு உருவாக்கி கொடுக்க முடியும் என கணக்கிட்டிருந்தேன். 

தனது அகில இந்திய நிலைப்பாட்டிற்கு மூப்பனார் திமுக தலைவர் கருணாநிதி சார்ந்திருக்க வேண்டிய சூழல் இருந்தது. அவரைப் பற்றி மூப்பனாரின் கணக்குகள் மிக சரியானவை. அரசியலில் ஆரம்பம் முதல் வணங்காத தலை கொண்டவராக உருவான மூப்பனாரும் நெருக்கடி அரசியலில் அழுத்தமும் நகர்வும் வெற்றி ஒன்றே இலக்காக கொண்டவராக திமுக தலைவர் கருணாநிதியும் அவரது வளர்ச்சியும் அவர் அறிந்து நிகழ்ந்த ஒன்று. அவரது நிலைபாடு திமுக அரசை தமிழகத்திற்கு பெற்றுத் தந்த விதத்தை அறிந்திருந்தாலும் அகில இந்திய அரசியலில் களம் கண்டவர்களுக்கு மாநில அரசு என்பது எப்போதும் பொருட்டல்ல. காரணம் அதை உருவாக்கும் கருவிகள் எப்போதும் சிக்கலானவை உணர்சிகரமானவை. கருத்தியல் அரசியல் அங்கு ஒரு போதும் எடுபடாது. தமிழக அரசியலில் முன்னுக்கு பின் முரணான நிலைப்பாட்டை எடுப்பதில் மூப்பனாருக்கு விருப்பமில்லை. காரணம் அதுநாள் வரை முன்வைத்த அவரது தன்றத்திற்கு எதிரானது. மூப்பனாரை மிக அனுகி புரிந்து கொள்ள வாழப்பாடி ராமமூர்த்தியின் அனுகுமுறையை அவதானிக்க வேண்டியிருக்கும். 

காங்கிரஸில் வளர்ந்திருந்தாலும் தமிழக அரசியலை எதிர் கொள்ள திராவிட பாணி அரசியலை முன்வைப்பவர் வாழப்பாடி ராம்மூர்த்தி. தடாலடியான பேச்சும் அதே சமயம் செறிவும் பகடியும் வெளிப்டுபவையாக அவை இருந்திருக்கின்றன. ஈவிகே.இளங்கோவன் அதே பாணியை கொண்டிருந்தாலும் பேச்சில் தற்கால அரசியல் சாய்வு மற்றும் சரிநிலைகளை அனுசரித்திருக்கும். பேச்சில் கௌரவமில்லாதவராக அவரை அறிந்திருக்கிறேன். அதற்கு நேர் எதிரானவர் வாழப்பாடி ராம்மூர்த்தி. காங்கிரஸில் இருந்து விலகி தனிக்கட்சி துவங்கி திமுக வுடன் இணைந்து தேர்தலை சந்திக்க இருக்கும் சூழல்.  சன்டீவி தொலைகாட்சி பேட்டி ஒன்றில் அப்போதைய திமுக ஆதரவாளராக அறியப்பட்ட ரபி பெர்னாட் வாழப்பாடிக்கு நெருக்கடி கொடுக்க்கும் திட்டமிருந்தது.  ராஜிவ் காந்தி கொலையில் வாழப்பாடி கருணாநிதியை நேரடியாக தொடர்பு படுத்தி பேசியதை இப்போது காங்கிரஸில் இல்லாததாலும் திமுக உடனான கூட்டணி நிர்பந்தம் காரணமாகவும் தனது கருத்தை மாற்றிச் சொல்லுவார் என அவர் கணக்கிட கூட்டணி பற்றிய கவலையில்லாமல் “கருணாநிதி ஜெயின் கமிஷன் முன் ஆஜராகி தனது நிருபித்துக் கொள்ளட்டும்” என்றார். அன்றிரவே கூட்டணி முறிந்து போனது. அதை தொடர்ந்து தமிழக அரசியலில் இருந்து வாழப்பாடி காணாமலானார்.

1998களில் மத்திய அரசு சமச்சீர் வரியை கொண்டு வந்த போது ஒரு வியாபாரியாக அதன் சாதக பாதகங்களை அறிந்திருந்தேன். அதன் ஒற்றை ஆம்சம் புதுவை போன்ற மாநிலத்திற்கு ஒவ்வாது என கணக்கிட்டிருந்தேன். இளைஞர் அமைப்பு சார்ந்து ஒரு சாதாரண போராட்டமாகத்தான் அதை முன்னெடுத்தேன் . காங்கிரஸ் அமைப்பு புதுவையில் நீண்ட கால ஆட்சியில் இருந்து கொண்டிருந்ததால் அதன் போராட்டங்கள் மிக மிக சம்பிரதாயமானவை. அகில இந்திய அளவில் தனது கருத்தியல் எதிர்பை பதிவு செய்து ஒதுங்கிக் கொள்ளும். தொடர்ச்சியாக ஒற்றை திட்டத்துடன் முட்டும் போராட்டங்களை அது செயல்படுவதில்லை. எனது கணக்கு ஒன்றை வலியுறுத்தி தொடர்ந்து போராட்டம் மூலம் மாநில முழுவதுமாக அதை பற்ற வைக்க முடியுமானால் அனைத்து தொகுதிகளையும் ஒன்றிணைக்க எனக்கு ஒரு வாய்ப்பு அமையும். பல ஆண்டுகளாக சிறுக சிறுக உருவாக்கிய  அமைப்பை அதைக் கொண்டு ஒருங்கிணைக்க முடியும் என திட்டமிட்டு செயல்படுத்த துவங்கினேன். முழு ஒருங்கிணைப்பு உருவாகி வந்தது. தொடர்ச்சியாக பல்வேறு இடத்தில் போராட்டம் பல வடிவத்தில் நிகழ்ந்து தினமும் நண்பர்கள் சந்திக்கும் வாய்ப்பு கிடைத்தது. காங்கிரஸ் கட்சியின் வழக்கத்திற்கு மாறான தொடர் போராட்டம் பிற இளைஞர் அமைப்பிடம் அணுகி உரையாடும் இடத்தை அது எனக்கு 

எனக்கு உருவாக்கித் தர நான் அதை இணைத்து அடுத்த கட்டத்திற்கு நகர்ந்தேன். அது அனைத்து இளைஞர் அமைப்பையும் ஒருங்கிணப்பது. 

துவக்கிய மிக குறுகிய காலத்தில் அவற்றை ஒற்றை அமைப்பாக திரள வைக்க முடிந்தது பின் அனைத்தையும் ஒருங்கிணைத்து மாநில அளவில் அதை பெரிய போராட்டமாக முன்னெடுத்தேன். புதுவை மட்டுமின்றி காரைக்காலிலும் அதை வெற்றிகரமாக செயல்படுத்த முடிந்தது. அது ஏறக்குறைய கம்யூனிஸ போராட்ட முறைக்கு மிக அணுக்கமாக இருந்திருக்க வேண்டும். அவர்கள் முதலில் வந்திடைந்தார்கள் பின்னர் அனைத்து கட்சி இளைஞர் அமைப்பை ஒருங்கு திரட்டுவது எளிதில் நிகழ்ந்தது. 30 சட்டமன்றங்களை கொண்ட புதுவையின் 21 சட்டமன்றத் தொகுதிகளை குறிவைத்து முதல் கட்ட பிரச்சாரம் துவங்கப்பட்டது. பின் மெல்ல மாநில அளவிலான போராட்ட இயக்கமாக அதை மாற்றினேன். மெல்ல அதன் முகம் திரண்டு கொண்டிருந்ததை பார்க முடிந்தது