ஶ்ரீ:
அரிய நிகழ்வும் வெறுமையும் - 7
கல்கத்தா
கல்கத்தா
பதிவு : 392 / தேதி :- 21 ஜனவரி 2018
நாங்கள் சென்னையிலிருந்து கல்கத்தா சென்று சேரும்போது , காலை 9:00 மணியாகிருந்தது . கல்கத்தா ஏர்போர்ட்டிலுள்ள உணவகத்திற்கு சென்று காலை உணவு சொல்லிவிட்டு காத்தியிருந்தோம் . கல்கத்தா விமான நிலையத்திற்கு நான் முன்பே வந்திருக்கிறேன். அது காங்கிரஸ் மாநாட்டிற்கு பங்கேற்ப்பதற்காக. அப்போது இருந்ததை விட விமானநிலையம் முற்றிலுமாக மாற்றி அமைக்கப்பட்டிருந்தது . பழைய விமானநிலையத்தின் எந்த அடையாளமும் இல்லாமல் , முற்றும் விஸ்தாரமாக நவீனமயமாக மாறியிருந்தது .
அடிக்கடி அறிவிப்பும் இரைச்சலாக கேட்ட படி இருந்தது . ஒரு தருணத்தில் என்னுடன் பேசிக்கொண்டிருந்த நிவாஸின் முகம் திடீரென மாறுபடுவதை அறிந்தபோது , அவனிடம் என்ன ? என்றதும் , அவன் நான் கேட்பதை விடுத்து வேறெதையோ கூர்ந்து எதையோ கேட்பதை அறிந்தேன். அது எனது மனைவியின் பெயர். அது அறிவிக்க பட்ட பின் எங்களை ஒருவர் பின் ஒருவராக அழைப்பதை கேட்க்கத்துவங்கியது . அதுவரை அங்கிருந்த கார்வை ஒலி சட்டென மறைந்து இப்போது என் பெயர் சொல்லப்படுவது அனைத்தையும் அழுத்திக் கொண்டு தெளிவாக கேட்டது . அனைவரும் சாட்டை நுனியால் தொட்டது போல குபீரென வாரி சுருட்டி எழுந்து ஓட ஆரம்பித்த்தோம் . 11:00 மணிக்கு கிளம்ப வேண்டிய விமானம் அது . தற்போது காலை 10:45 மணி. இரண்டு மணிநேரம் எப்படி கடந்ததென தெரியவில்லை. அறிவிப்பு கேட்கும் திசை நோக்கி நானும் நிவாஸும் தலைதெறிக்க ஓடத்துவங்கினோம் .
கருத்துகள் இல்லை:
கருத்துரையிடுக