ஶ்ரீ:
அரிய நிகழ்வும் வெறுமையும் - 9
சொகுசின் விலை
சொகுசின் விலை
பதிவு : 395 / தேதி :- 23 ஜனவரி 2018
மனித மனம் நவீனத்தையும், சிறப்பையும் நோக்கிய பார்வையுடையது , மேல்நிலையை ஒட்டி பழகவே அது எப்போதும் வடிவமைக்கப்பட்டிருக்கிறது என நினைக்கிறேன் . என்னை பொறுத்தவரை எப்போதும் படோடோபத்தை தேடி ஓடுவதல்ல . ஆனால் அதற்கான வாய்ப்புகள் திறந்ததிருக்கையில் கிடைப்பதில் சிறந்ததை தேர்ந்தெடுப்பது என் வழமை . தொழில் ரீதியான மன அழுத்தங்களை சதா சர்வகாலமும் வீட்டில் வெளிப்படுவதை தவிர்க்க இயலாது இருக்கும் எனக்கு . அதை அத்தனையும் அனுசரிக்கும் மனைவியை எப்போதாவதுதான் இதைப்போல வெளியில் அழைத்துவர முடிகிறது . அந்த சூழலில் நவீனமயமான தெரிந்த அந்த உணவு விடுதி சற்று தொலைவில் இருந்ததையும் நேரக்கணக்கையும் தவறவிட்டிருந்தேன் .
இதோ அதற்கான விலையாக இதோ இப்போது நான் பதட்டமாக ஓடிக்கொண்டிருக்கிறேன் . இருதயம் துடிப்பதை காதில் கேட்டபடி நான் ஓடுவதை மொத்த விமானநிலையம் புறக்கணித்து அது தன் வேளையில் மும்முரமாக இருந்தது . சற்று நிதானித்துக்கொண்டபோது . நான் நிவாஸை மறுபடியும் பார்த்துவிட்டேன் . அவன் நாங்கள் நின்றிருந்த இடத்தின் மேல் தள படிகளில் யாருடனோ பேசிக்கொண்டிருந்தவன் , என்னை பார்த்ததும் நிதானமாக வரச்சொல்லி கைகாட்டிவிட்டு ,அவருடன் மேலேறி சென்றுகொண்ருந்தான் .
கருத்துகள் இல்லை:
கருத்துரையிடுக