ஶ்ரீ:
அரிய நிகழ்வும் வெறுமையும் -2
ஸ்ரீமுஷ்ணம்
ஸ்ரீமுஷ்ணம்
பதிவு : 388 / தேதி :- 16 ஜனவரி 2018
நான் மிக எளிதாக பிற காரணிகளால் பாதிக்கப்படுகிறேன் . ஆளுமைகளும் , நிகழ்வுகளும் , உணர்வுகளும் மையமாக எப்போதும் இருந்திருக்கிறது . அவை என்னை நேர்மறையாக பாதிக்க கூடியவைகள் . எதிர்மறையாக என்னை பாதிக்க அவற்றை அனுமதிப்பதில்லை . அந்த சந்தர்பங்களில் , மிகுந்த ஆத்ம பலத்துடன் தயக்கமில்லாது அங்கிருந்து வெளியேறிவிடுவதை வழமையாக கொண்டிருக்கிறேன்.
எனது திட்டம் முழுவதுமாக மாற்றமடைந்து பிறிதொன்றாக் 2012 ஆம் ஆண்டு ஸ்ரீ ராமானுஜர் ஆயிரமாவது ஆண்டு விழாக்குழுவாக அது துவங்கப்பட்ட போது வழமையான உற்சாகம் . அதன் பின்னணியை நான் இங்கு பதிவு செய்ய விரும்புகிறேன் . 2008 ஆம் ஆண்டு திருக்கோவலூர் ஜீயர் ஸ்வாமிகள் பத்ரிநாத் யாத்திரை சென்றபோது அன்றாட வியாபார நிமித்தமான வேலைகளின் நெருக்கடியினால், நான் அவருடன் செல்லும் வாய்ப்பை இழந்தேன் .
என்னைவிட எனது மனைவிதான் அதிகம் வருத்தப்பட்டாள் ஒரு கட்டத்தில் அதை சரிசெய்ய வேண்டிய தருணம் வந்ததும் , நான் என் மனைவி , மற்றும் ஸ்ரீனிவாசன் உடன் எனது நண்பன் அசோக் அவனது குடும்பத்துடன் ஏழு பேர் கொண்ட குழு குளு மணாலி சென்றுவருவதற்கான திட்டம் உருவானது.
வடஇந்திய பயணம் எப்போதும் குழுவாக அதுவும் நண்பர்களுடன் பயணிக்கும் போது இன்பகரமானது , பாதுக்காப்பானது . சென்னையிலிருந்து தில்லி சென்று அங்கிருந்து குளு மணாலி நான்கு நாள் திட்டமாக ஏற்பாடு செய்யப்பட்டது . எனக்கு ஹரித்வார் , மதுரா சென்றுவருவதுதான் முக்கிய திட்டமாக இருந்தது . அது யாத்திரை என்பதால் நல்ல விதமாக சென்றுவர அதற்குரிய அனுமதியை பெறவேண்டும் என தோன்றியது . ஒன்று பூமிக்கு அதிபதியான வராஹ ஸ்வாமியிடம் .
முதலில் ஸ்ரீமுஷ்ணம் வராஹ பெருமாள் குளத்தில் தீர்த்தமாடி அவரை வழிபட்டு பின்னர் ஆச்சர்ய அனுமதியை எனது ஆச்சார்யரான திருக்கோவலூர் ஜீயர் ஸ்வாமிகளிடம் பெற போனபோதுதான் , அவர் புதுவைக்கு ஒரு கூடுகை சம்பந்தமாக அவர் வரவிருப்தை சொன்னார் . “என்ன விஷயமாக” என்கேட்டபோது “சில மனசங்கடம்” என்றார் . அதைப்பற்றி அப்போது அவர் விரிவாக ஏதும் சொல்லவில்லை, அது என்ன என்று நானும் வற்புறுத்தி கேட்கக் இயலாதபடி , எனது ஹரித்வார் பயணம் அடுத்த இரண்டுநாளில் புறப்பட வேண்டி ஒருங்கியிருந்தது . அவர் மெல்ல “ நீ சில விஷயம் குறித்து பேசவேண்டும் என எதிர்ப்பார்த்திருந்தேன்” என்றார் . நாளை மறுநாள் எனது யாத்திரை ஒருங்கி இருந்ததால் என்னால் அந்த கூடுகையில் கலந்து கொள்ள முடியாமை நான் சொல்லாமலேயே அவருக்கு புரிந்திருந்தது . நானும் யாத்திரை முடிந்து வந்து இதுசம்பந்தமாக என்னால் முடிந்ததை செய்கிறேன் என்றேன் . யாத்திரை நல்லபடியா சென்று வர மங்களாசாசனம் செய்து அனுப்பிவைத்தார் .
கருத்துகள் இல்லை:
கருத்துரையிடுக