அடையாளமாதல் - 175 * தன்னி(இ)டத்தில் அடங்காமை *

ஶ்ரீ:

பதிவு : 175 /  249    தேதி :- 31 ஆகஸ்ட்  2017

* தன்னி(இ)டத்தில்  அடங்காமை *

“தனியாளுமைகள் - 03”

இளைஞர் அமைப்பின் கருதுகோள் -01

கண்ணன் அவரது அரசியலை துவங்கும்போது பெரிய கனவென ஒன்றிருந்திருக்க வாய்ப்பில்லை . ஆனால் தன் பாதையில் அதை கண்டடைந்தார் . அதை அடைய அவர் முயற்சித்த போது அதற்கான வழி சூழல் எல்லாம் அமைந்திருந்தது . அதனாலேயே அவரது இலக்கிற்கு வெகு அருகாமை வரை பயணிக்க முடிந்தது . வழியில் அது பிறழ்ந்து போனதால் , அவரது தனியாளுமை  அதன் மெல்லிய விளிம்பை கடந்து வெற்று ஆணவம் என்றானது . அதன் பின் அவரது ஆளுமையால் கூடிய திரள் அவர் சென்ற பாதைகளில் அவருக்கு தற்காலிக வெற்றி எனும் தோல்வியை பரிசளித்து பின் ஒவ்வொன்றாக கழன்றுபோனது . பின்னெப்போதும் எவருடனும் இணைய முடியாத நீர்த்துப்போன  இளிவரல் உதிரிகளின் தலைவராக மாறிப்போனார்.

வாழ்வென்பது ஒன்றே. அதை தனி நிகழ்வுகளாக்குவதும் இன்பதுன்பமெனப் பிரிப்பதும் தன்னில் நின்று நோக்கும் அறியாமையும் தானே என்னும் ஆணவமும்தான். இன்பமென்று இன்றிருப்பது நாளை துன்பமென்றாகலாம். துன்பமென்று இன்று சூழ்வது எண்ணுகையில் இனிப்பதாகலாம். நாம் அதை முடிவுசெய்யலாகாது” என்கிறது “ . “ முழுமையை தெய்வங்கள் தங்களிடமே வைத்திருக்கின்றன. மனிதர்களுக்கு அளிப்பதேயில்லை என்கிறது ,வெண்முரசின் நீர்க்கோலம்”

மனிதன் பூர்ணனல்லன் . ஆகவே அவன் ஆற்றும் சகலமும் முழுமைபெற்றதாக இருக்க வாய்ப்பில்லை . முழுமையென்பது பின் தொடர்ச்சியற்றது . உலகியலில் அதற்கு வாய்பில்லை . அது சரி,தவறென்ற விதைகளிலிருந்து அடுத்தவருக்கான வாழ்கையில் அது ஒரு பதிவையும் அதன் விளைவுகளையும் ஏற்படுத்திச் செல்கின்றன. நான் என் சுபாவத்திலிருந்து  என்னுடைய அவை விதிகளை உருவாக்கி அவற்றால் என் கைகளை கட்டிக்கொள்கிறேன் . பின் அதை ஒருபோதும் திரும்பிப் பார்ப்பதில்லை . அதில் பயணபடுவது மட்டுமே எனக்கான வேளையென்றாகிவிடும் .

அரசியலில் வளர்ச்சி வீழ்ச்சி என்பதுக்கெல்லாம் எந்த பொருளுமில்லை . எதோ ஒரு காலத்தில் , ஒரு காரணத்தில் இவை மாறி மாறி  நிகழ்ந்துகொண்டே இருக்கப்போகிறது . இவற்றினூடாக தன்னை அறிதல் நிகழ்ந்தால் அவன் விண்ணக தெய்வங்களால் நல்லூழ் கொண்டவன் . அந்த அடிப்படையில் நான் சண்முகத்தை அப்படிதான் பார்த்தேன் . சண்முகம் லட்சியவாதம் உச்சத்தில் இருந்தபோது பிறந்தவர் , அது தோல்வியடைந்தபோது அதை பார்த்தவர் . ஆனால் மக்கள் போக்கில் ஏற்பட்ட மாறுதலிலிருந்தே அந்த தோல்வி எழுந்துவருகிறது என்கிற உண்மையை அறிந்திருப்பாரா என்றெல்லாம் எனக்கு தெரியாது . ஆனால் இக்காலத்து சிந்தனைப்போக்கை சரியாக புரிந்திருந்தார் , அவர் தனது முதல்வரெனும் லட்சிய இலக்கை அடையும்வரை . ஆனால் அது காலத்தில் நிகழ்த்தப்படாத வருத்திலிருந்து தன்னை விடுவிக்க அதை தாண்டிய ஆளுமையாக தன்னை உருவகப்படுத்தி அதில் ஆழ்நது போனார் . அது அவருக்கு மன சமாதானத்தை கொடுத்தாலும் . தான் முதலவராகும் வாய்பபை அடைந்தபோது , அவர் இங்கிருந்தே கிளம்பி வந்தார் . முதல்வர் பதவி அவருக்கு மிக சிறிய சட்டையாக அவர் நினைத்ததே எல்லா முரணுக்கும் காரணம் . அதுவே அவரின் அரசியல் வீழச்சிக்கு விதையென்றானது. அவர் முதல்வராக வந்தபோது லட்சியவாதங்களின் தோல்வி ஏற்படுத்திய நவீன சந்ததனையை. அவர் தனது கருத்தாக கொண்டிருந்ததை இங்கு வரை எடுத்துவந்திருந்தாரா என்பது தான் கேள்வி . ஆனால் நான் இப்போது சொல்லவருவது 1997 நான் சந்தித்த சண்முகம் . ஆனால் 2008 க்கு பிற்பட்ட சண்முகம் வேறொருவர் . அதை பிறிதொரு பதிவில் பாப்போம் . 

நான் அவரது வீட்டில் மிக சகஜமான நபராக மாறினேன். தினம் கட்சி அலுவலகங்களுக்கு செல்வது  வழமையானது . அங்கு தலைவரின் தனிச்ச்செயலாளர் சூர்யநாராயணனின் நெருக்கமான நட்பு கிடைத்தது . அன்று காலை தலைவர் காங்கிரஸ் அலுவலகத்திற்கு வந்தபோது இளைஞர் காங்கிரஸ் பாலனுடன் சென்றதாக பத்திரிக்கை நிருபர் கேட்டதற்கு அவருடன் பத்துபேர் கூட செல்லவில்லை என்கிற ரீதியில் பதில் சொல்லிக்கொண்டிருந்தார் . நான் நேரடியான பெரிய பத்திரிக்கையாளர் சந்திப்பை பார்த்தது அங்குதான் . தேர்தல் முடிவுகள் காங்கிரசுக்கு சாதகமாகஇல்லை . திமுக . கண்ணன் தலைமையிலான தமிழ் மாநில காங்கிரஸ் மற்றும் கம்யூனிஸ்ட் கட்சியின் கூட்டணி அரசாங்கம் ஆட்சியமைத்தது . சண்முகம் ஆட்சியமைக்கும் வாய்ப்பை வேண்டுமென்றே தவறவிட்டதாக கட்சிக்குள் பேச்சு எழுந்தது . சிறிது முயற்ச்சித்தித்திருந்தாலும் ஆட்சி அமைந்திருக்கும் என்றும் . சிலர் திமுக முதல்வர் சண்முகம் இருவரும் ஒரே ஜாதயைச்சேர்நதவரகள். இது ஒரு ஜாதிக்கூட்டு என எப்படியெல்லாமோ பேச்சு இருந்தது . 

ஆனால் எல்லோரும் நினைப்பதைப்போல அன்றைய சூழலில் , மூப்பனாருடன் பேசமுடியுமா என்பதெல்லாம்  வெறும் யூகம் மட்டுமே . இதில் பல நிலை வேறுபாடுகள் உள்ளது . உண்மையில் அதை எத்தனை பேர் அந்த கோணங்களில் அரசுசூழ்தலை பார்த்திருப்பார்கள் என்பதை அறிய இயலாது . கண்ணன் சபாநாயகராக இருந்தபோதுதான் சந்திரசேகர் மூப்பனாருக்கு பழக்கமானது. அது  ஒரு சிக்கலிலிருந்து விடுபட முயற்சித்தபோது . அவருக்கு சொந்தமான இடம் அதில் சிக்கல் எழுந்தபோது கண்ணனிடம் உதவிக்கு சென்றார் அவர் எதிர்பார்த்த உதவி கிடைக்கவில்லை. மூப்பனார் மூலமாக சென்றும் அதற்கு மதிப்பில்லை .இது கண்ணன் மீது அவருக்கு பெரும் கசப்பை உண்டுபண்ணியது . பெரியவர் அரசியல் ஒருவிதம் .ஆனால் சின்னவருக்கு எப்போதும் வெட்டு ஒன்று ரகம் . இந்த சிக்கல் கண்ணனின் ஊழ் இதை அவரிடம் கொண்டுசென்றது . இதை நான் ரங்கசாமி மூப்பனாரை சந்தித்த போது தெளிவாக உணர்ந்தேன் . ரங்கசாமி மூப்பனார் இதை ஒரு அலராக உருவகப்படுத்தி அது எல்லா நிலைகளிலும் கொண்டு செல்லப்பட்டு , பின்னாளில் அதுவே மூப்பனாரின் நிலைப்பாடு என்றானது. அதன் பின்னர் அவர்களது உறவு சொல்லிக்கொள்ளும்படியாக பின் ஒருபோதும் இருந்தத்தில்லை.

அடையாளமாதல் - 174 * நகைக்க மட்டுமே இயன்றவர்கள் *

ஶ்ரீ:

பதிவு : 174 / 248: தேதி :- 30 ஆகஸ்ட்  2017

*  நகைக்க மட்டுமே இயன்றவர்கள்  *

“தனியாளுமைகள் - 02”

(1996 தேர்தல் களம் - 11 )

ஒரு கருத்திற்கு யாராவது மாற்று சொல்லும்போது . தனது அனுபவத்தை முன்னிறுத்தி பிறிதெவரையும் பேசவிடாது செய்து தான்  அதற்கு பின்னல் மறைந்துகொள்கிறார் என்றார் . இது காந்திராஜ் தனது தொழில் சார்ந்து அவர் கண்டடைந்த உளவியல் புரிதலாக இருக்கலாம் . இவ்வளவு தெளிவான புரிதலுள்ள காந்திராஜிடம் அரசியலில் தனது நிலையை தக்கவைத்துக்கொள்ள இயலாது போனதற்கு பாலன் கையாண்ட அதே குறுங்குழு அரசியலை முன்னெடுத்தது ஒரே காரணம் . தன்னிச்சையாக வளரும் தனியாளுமைகளின் நிரையே , ஒரு அமைப்பை பலமுள்ளதாக வார்க்கிறது . அதை தடுத்து நிற்கும் தலைவனின் கீழ் உருவாகும் வெற்றிடத்தில் , அத்தகையவர்கள்  நிலை கொள்ளமாட்டார்கள். அவரை சூழ்ந்திருக்கும் வெற்றிட மனிதர்களால் ஆகக்கூடியது ஒன்றில்லை. அவர்கள் தங்களின் தன்மதிப்பின் வழியாக பிறிதெவரிடமிருந்தும் பிறித்து தனியாளுமை என வளர்த்தெடுதுக்கொள்கிறார்கள் அது நிகழாத களம் எதையும் உருவாக்குவதில்லை. அது அவர்களது அரசியல் வீழ்ச்சியாக பார்க்கிறேன் . 

வளர்ந்து விட்ட எந்த கட்சியின் நிர்வாகிகள் அமைப்பும் தலைமைப் பதவியில் உள்ளவர்களை ஒருபோதும்  ஏற்காது . மறைமுகமாக எதிர்த்து செயல்பட ஒரு தருணத்தை நோக்கிக் காத்திருக்கும் . அதை ஒருபோதும் நேரில் வெளிக்காட்டிக் கொள்ளாது . தலமையை எதிர்த்து மாறுபட்ட நிலைப்பாடுகள் வழியாக எழுந்துவரும்  புதியத் தலைமையை ஒருபோதும் அது முன்னின்று ஆதரிக்காது . முடியுமானால் அதை தோல்வியுரசெய்யும் அனைத்துவித உத்துழைப்பின்மையை தயங்காது செய்யும். அதே சமயம் பிறிதொருவரையும் அதை செய்யும்படி மறைமுகமாக தூண்டியபடி இருக்கும் . இவற்றை தன் இடத்திற்கான பேரமாக பயணபடுத்திக் லாபம் அடையும் . மாற்றுத் தலைமை வேறுவழியில் தனது தனி ஆளுமையால் தன்னை நிரூபித்து பதவிக்கு வந்தால் ,இதே குழு எவ்வித தயக்கமுமில்லாது அவர் பின்னே நிரைவகுக்கும் . இதற்கு பொருளியல் ஊழல்  முதல்நிலைக் காரணமென இருக்காது . பதவியும் தங்கள் இருப்பையும் நிலைகொள்ளச் செய்வதைத்தான் பிரதானமாக கருதும் . இதுவே கட்சி அரசியலின் முதல் படிநிலை . 

ஒரு தலைவன் தன்னை சூழ்ந்து நிறைந்த ஆமைப்பின் சகத் தோழர்களிலிருந்து ஒருநாளும் எழுந்து வர இயலாது , வந்தாலும் மிக விரைவாக அவன் வீழ்சசியடைகிறான். மக்கள் திரளிலிருந்து  எழுகிற தலைவன்  தனது தனியாளுமையால் அந்தத் திரளின் உத்துழைப்பாலே தனது இலக்கை கண்டடைந்து வெல்கிறான் . இதே நிர்வாகிகள் குழு எந்த தடையுமின்றி அவன் பின்னும் நிரைவகுப்பார்கள் . அவர்களை ஆளத்தெரிந்தவனே , எல்லாவற்றிலும் வெற்றி பெருகிறான்.

இது இருபுறமும் உள்ள ஒவ்வாமையை நிகர்நிலை பேணுதல் . அது மானுடர் வெகு சிலருக்கே வாயப்பது இதை விண்ணுரையும் தெய்வங்களே சாத்தியமாக்குகின்றன . ஆனால் புவியின் ஊழ் எதிர்மறை ஆளுமைகளுக்கே வளரும் வாய்ப்பினை கொடுத்து  இந்த புவியின் போக்கை நிர்வகிக்கிறது என்கிற எண்ணமே எப்போதும் தோன்றியபடி இருக்கிறது . காரணம் அதை போன்ற ஒன்றையே நான் பல முக்கிய அரசியல் தருணங்களில்  அவதானித்துவந்திருகிறேன் . அரசியல் சாமானியர்களின் களமல்ல , அது தன்னை வளர்த்தெடுத்துக்கொள்ள விழையும் தனியர்களால் ஆனது . அவர்கள் ஒருகாலமும் தங்களில் இருந்து ஒருவன் எழுவதற்கு விடுவதில்லை . இவர்கள் எவரையும் இளிவரளாகவே அறிந்து கொள்ளும் வேடிக்கை மனிதர்கள் . இவரகளை வெல்லாத எவரும் தலைவனில் சென்று அமர்ந்ததில்லை . ஆனால் எதிர்மறை ஆளுமையாக தன்னை வளர்த்தெடுத்தி ஒருவனை இந்த திரள் எப்போதும் தேர்ந்தெடுத்தபடி இருப்பதையும் , அதனால் இந்த நேர்மறை தனியாளுமைகள் சிதைந்து போவது தொடர்ந்து நிகழ்ந்து வருகிறது  .

வெகு அபூர்வமாக நேர்மறை ஆளுமைகள் பதவிக்கு வருகிறார்கள் . நான் சொல்லவருகிற நேர்மறை பொதுவான தளத்தில் புழங்கும் அர்த்தத்தில்  அல்ல . நேர்மையின் அளவீடு காலத்தையும் துறையையும் பொருத்தது . அது விபரீதமாக அர்த்தத்தை கொடுப்பினும்  அதுதான் நடைமுறை . நேர்மை என்பதின் பொருள்கொள்ளுதல் அன்றைய சமூகத்திலிருந்து எழுந்து அடையப்படுவதே . ஒருமுறை நேர்மை பற்றி முன்னாள் அமைச்சர் அனந்தபாஸ்கரன் ஒரு வேடிக்கையான விளக்கமளித்தார் . “பணம் வாங்கிக்கொண்டு வேலையை முடித்துத்தருபவன் நேர்மையாளன் . வேலை முடியாது போனால் வாங்கிய பணத்தை திரும்ப கொடுத்தான் என்றால் மிகப்பெரிய நேர்மையாளன்” என்றார் . இதை யார் ஏற்றுக்கொள்ளாது போனாலும்  அநேகமாக சமூகம் இப்படித்தான் இருக்கிறது .

நான் தலைவரை பெரும்பாலும் அவர் தனிமையில் இருக்கும்போது சந்திப்பதை வழமையாக கொண்டேன் . பெரிய காரணமெல்லாம் ஒன்றில்லை . பொது சபையில் அவர் பேசுவது எனக்கு அர்த்தமாவதில்லை . மேலும் எனக்காக அவர் தனிப்பட்டு என்ன சொல்கிறார் என்பதை அறிவதே எனக்கான இலக்கென்றானது . நான் எப்போது சந்தித்தாலும் இளைஞர் காங்கிரஸ் பற்றிய அவரது கசப்பான அனுபவங்களை பேசுவதும் கண்ணன் பாலன் எப்படி காட்சி அரசியலில் இளைஞர்களை தவறாக வழிநடத்தி அவர்களின் எதிர்காலத்தை ஒன்றுமில்லாதாக்கினார்கள் என்பதைபற்றிய நிறைய பதிவுகளை சொல்லியிருக்கிறார் . அவை பெரும் தகவல் களஞ்சியங்கள் . அவர் சொல்லும் நிகழ்வுகளும் நான் அங்கு தலையெடுத்த காலத்தில் நடைபெற்றவை என்பதால் அதன்  பிறிதொரு பரிமாணங்களாக அவை இருக்கும் . அவற்றினூடாக நான் அடைந்த புரிதல்கள் அளப்பரியவை . 

இளைஞர் காங்கிரஸின் செயல்பாடுகள் ஒற்றைப்படையானவை . அதன் தலைவர்களின் விழைவை மட்டுமே தனது விழுமியமென உருவகித்தவைகள் . அதை நோக்கியே அது பயணப்பட்டது . அது இயல்பானதே . ஆனால் வழிநடத்தும் தலைவனுக்கு விரிந்த பார்வை இருந்ததா என்பது தான் கேள்வி . கண்ணன் அவரது அரசியலை துவங்கும்போது பெரிய கனவென ஒன்றிருந்திருக்க வாய்ப்பில்லை . ஆனால் தன் பாதையில் அதை கண்டடைந்தார் . அதை அடைய அவர் முயற்சித்த போது அதற்கான வழி சூழல் எல்லாம் அமைந்திருந்தது . அதனாலேயே அவரது இலக்கிற்கு வெகு அருகாமை வரை பயணிக்க முடிந்தது . வழியில் அது பிறழ்ந்து போனதால் , அவரது தனியாளுமை  அதன் மெல்லிய விளிம்பை கடந்து வெற்று ஆணவம் என்றானது . அதன் பின் அவரது ஆளுமையால் கூடிய திரள் அவர் சென்ற பாதைகளில் அவருக்கு தற்காலிக வெற்றி எனும் தோல்வியை பரிசளித்து பின் ஒவ்வொன்றாக கழன்றுபோனது . பின்னெப்போதும் எவருடனும் இணைய முடியாத நீர்த்துப்போன  இளிவரல் உதிரிகளின் தலைவராக மாறிப்போனார்.