ஶ்ரீ:
பதிவு : 157 / 231 தேதி :- 13 ஆகஸ்ட் 2017
* தான் தனக்கும் முன்பாக *
இயக்க பின்புலம் - 80
அரசியல் களம் - 46
இருபத்தி மூன்று நிர்வாகிகளில் பத்தொன்பது பேர் எதிர்த்து கையெழுத்திட்டத்தி ஒன்றே சான்று அவரின் கையறுநிலை . பொறுந்திருந்தால் , மிக எளிதாக இதிலிருந்து அனைவரும் வெளிவந்திருக்கலாம் . பிளவு பட்டவர்த்தனமாக வெளியான பின்பு . கட்சியின் பிற அமைப்பு தொடர்புகொள்ளவே விரும்பும் . அது நிகழுமானால் இயக்கம் மீளவும் ஆரோக்கியமான பாதைக்கு திரும்பும் . மூப்பனார் ஆதரவு இருக்கும் இந்த சூழலில் அற்புதமாக ஆடியிருக்கலாம் . இவர்கள் விநோதமனிதர்கள் . எதையும் ஒற்றைப்படையாகவே புரிந்துகொள்வதும் அதற்கு அனைவரும் உடன்படவேண்டும் என்கிற அவசரத்தில் இருப்பவர்கள் . நிதானமில்லாதவர்கள் . அது ஒன்றுபோதும் பாலன் இதில் வெற்றிபெற .
இருபத்தி மூன்று நிர்வாகிகளில் பத்தொன்பது பேர் எதிர்த்து கையெழுத்திட்டத்தி ஒன்றே சான்று அவரின் கையறுநிலை . பொறுந்திருந்தால் , மிக எளிதாக இதிலிருந்து அனைவரும் வெளிவந்திருக்கலாம் . பிளவு பட்டவர்த்தனமாக வெளியான பின்பு . கட்சியின் பிற அமைப்பு தொடர்புகொள்ளவே விரும்பும் . அது நிகழுமானால் இயக்கம் மீளவும் ஆரோக்கியமான பாதைக்கு திரும்பும் . மூப்பனார் ஆதரவு இருக்கும் இந்த சூழலில் அற்புதமாக ஆடியிருக்கலாம் . இவர்கள் விநோதமனிதர்கள் . எதையும் ஒற்றைப்படையாகவே புரிந்துகொள்வதும் அதற்கு அனைவரும் உடன்படவேண்டும் என்கிற அவசரத்தில் இருப்பவர்கள் . நிதானமில்லாதவர்கள் . அது ஒன்றுபோதும் பாலன் இதில் வெற்றிபெற .
அரசியலில் பாதை புரியாத போது , அது தெளிவடையும்வரை பொறுத்திருக்க வேண்டும் . இப்படியாக மூன்றுநாள் கடந்துவிட்டது . இது மாதக்கணக்கில் கூட நீளலாம் . என்ன இருக்கிறது பொறுத்திருப்போம் என நான் சொன்ன சொல் அர்த்தமிழக்க துவங்கியது . கமலக்கண்ணன் தனக்கான ஆட்டத்தை துவங்கினார் . நான் பொருளாதாரம் , தொழில் என அனைத்திலும் நிறைவடைந்தவன் அவனால் பொருத்துக்கொண்டிருக்க , முடியும் நம்மால் எப்படி முடியும் என்கிற கேள்வியை கமலக்கண்ணன, வைத்ததும் அதற்கு ஆதரவாக சில ஓட்டுக்குள் விழுவதை பார்த்தேன் . அவர்களுக்கும் எனக்குமான வித்தியாசத்தை நான் இன்னும் நுட்பமாக உணர்ந்தேன் . இது ஒரு பொய்யான பதட்டம் . இவர்களுக்கு மாத சம்பளமும் தினசரி உணவும் இந்த பதவி கொடுத்துக்கொண்டிருத்தை போலவும் , இப்போது அதை இழந்ததனால் , உயிராபத்து வந்துவிட்டதைப்போல திணரத்துவங்கினர் . அதுவரை உள்ளூர் தலைவர்களை நானும் நம்பியிருந்தேன் . என்ன காரணத்தினாலோ அது பொய்த்துப்போனது. ஆனாலும் வெகு விரைவில் அதற்கான காரணத்தை நான் தெரிந்துகொண்டேன் .
அன்று காலை என்னை வீட்டில் சந்தித்த சண்முகத்தின் அணுக்கர் வைத்தியநாதன் , சண்முகம் இதை உண்ணிப்பாக கவனித்து வருவதாகவும் , தனக்கான நுழைவிற்கு இது காலமில்லை எனவும் , உண்மையிலேயே பிரிவு எனில் ஒருவாரம் தாங்குகிறார்களா பார்போம் என்றதாக கூறினார்.
"நான் சண்முகத்தின் காலம்கடத்துவதால்தான் இப்போது சிக்கலே எழுந்திருக்கிறது" , என்றேன் சண்முகம் உன்னை மட்டும் சந்திக்க ஆர்வமாயிருக்கிறார் என்றார் வைத்தியநாதன் . அவரிடம் என்னை சந்திக்க வந்ததற்கு நன்றியையும் , நான் சண்முகத்தை தனித்து பார்க்க இது உசிதமான நேரமில்லை என்றேன் . அவர் "இதை வெளிப்படையாக வேண்டாம் இன்று இரவு 11:30 மணிக்கு மேல் வைத்துக்கொள்ளலாம்" என்றார் . நான் உறுதியாக மறுத்ததும் வைத்தியநாதன் கிளம்பிச்சென்றார்.
சணமுகத்தின் அவதானிப்பு உண்மை என்றானது. எங்கள் குழு குலையத்துவங்கியது . கமலக்கண்ணனுக்கு என்னை தோற்கடிக்கும் வாய்ப்பாக இதை பார்க்க துவங்கினார் . அதை பின்புலமாக கொண்டு நான் எடுக்கும் முயற்சிகளை குறைசொல்ல ஆரம்பித்தார் . கட்டுப்பாடு ஒருகட்டத்தில் நிலைகுலைந்தது . நானும் மன அளவில் இதை இத்துடன் முடிக்கும் முடிவிற்கு வந்திருந்தேன் . அதன் பொருட்டு பொறுமை காக்கத்துவங்கினேன் . இது நான் எடுத்த முடிவு , என் பொருட்டே அனைவரையும் வெளிக்கொண்டுவந்தேன் . இந்த பதவி இதுவரை யாருக்கும் ஒன்றும் செய்யவில்லை . இனியும் அது செய்யப்போவதில்லை. அதை முறையாக பயன்படுத்த தெரிந்தவர்களுக்கே அது தன்னை முழுவதுமாகத் திறந்து காட்டும் . இவர்கள் வேறுமாதிரியானவர்கள் . ஒரு போதும் அதை புரிந்து கொள்ளப்போவதில்லை . அதை செய்ப்பவனே இவர்களின் முதல் எதிரி என்கிற பழங்குடி மனோநிலையில் இருந்தார்கள்
அதற்குள் பாலன் தன நகர்தலை தொடர்ந்தார் , ஒல்லி சேகர் அவரின் பால்ய நண்பர் , ஓர் இரவு அவரிடம் அழுது தன்னை நொந்து , பல வாக்குறுதிகளை கொடுத்ததும் இருவரும் கட்டி அனைத்து , ஒரு உறுதிப்பாட்டை அடைந்தனர் . கமலக்கண்ணன் தாமோதரன் மறுநாள் ஒருமுறை தன்னை சந்தித்தால் அனைத்தும் முடிவிற்கு வந்துவிடும் என்று பாலன் சொல்லிச்சென்றார் . அன்றிரவே கமலக்கண்ணன் அவரை சென்று சந்தித்தார் .எனக்கு இவர்கள் நிகழ்த்தும் அனைத்தும் உடனுக்குடன் செய்திகளாக வந்துகொண்டே இருந்தது . பாலனே அது என்னை வந்தடையும்படி வெளியிட்டும் இருக்கலாம் . அது என்னை வந்தடையும்போது நான் முற்றிலுமாக இவர்களை வைத்திருக்கும் அரண் தகர்ந்துபோகும் என திட்டமிட்டிருக்கலாம் . நானும் அதற்கு முற்றிலுமாக ஒத்துழைத்தேன் .
இவர்களை நான் வெளியே அழைத்துவந்து சந்தியில் விட்டுவிட்டேன் என்கிற குற்றஉணர்வை அடையவும், கெட்டபெயரையும் சம்பாதிக்க விரும்பவில்லை . அது தானாக உடையும்வரை காத்திருந்தேன் . அதுவும் நீண்டநாளெல்லாம் எடுத்துக்கொள்ளவில்லை . ஒரே இரவு அனைத்தும் மாறி அமைந்தன . என்சாமாதத்துடன் பாலன் தூதுக்குழுவுடன் காலை துவங்கிய பேச்சுவார்த்தை . மதியத்திற்குள் முடிவை எட்டிவிட்டது.
அது ஒரு அற்புதமான நாடகீயத்தருணம் . முதலில் பாலன் சார்பாக பேச வருவதாக செய்தி எனக்கு தெவிக்கப்பட்டது . நான் என் நெறியை சொன்னேன் . “நான் இதற்கு ஆதரவில்லை , ஆனால் நீங்கள் விரும்பினால் நிகழ்த்திக்கொள்ளுங்கள் , அதற்கு நான் எதிர்ப்பில்லை. அதே சமயம் உங்கள் முடிவு என்னை கட்டுப்படுத்தாது” என்றேன். நான் சொன்ன கடைசீ வாக்கியம் அவர்களுக்கு முக்கியமானதாக படவில்லை. நான் அவர்களுக்கு கொடுத்த எச்சரிக்கையும் அதுதான். வெய்யிலின் மணற்பரப்பில் வெறும்காலுடன் நிற்பவனின் நிழலை தேடும் பரிதவிப்பு அவர்களிடம் காணப்பட்டது . அது எனக்கு வேடிக்கையாக இருப்பினும், அது அவர்கள் வாழும் உலகம் . அந்த உலகில் நானில்லை , அதனால் அதன் வலி எனக்கு தெரியாது இருக்கலாம் .
எனக்கு ஜெயகாந்தனின் கட்டுரை நினைவிற்கு வந்தது . ஒரு மனம்பிறழ்வு நோய் மருத்துவமனைக்கு சென்றவர் , பலவித நோயாளிகளில் மத்தியில் , காதில் பெரும் சப்தம் கேட்பதாக காதுகளை இறுக்க மூடி கடும் அவதிப்படும் ஒருவரின் அவஸ்தையை சில நிமிடம் பார்த்தவர் , அந்த சப்தம் தனக்குத்தான் கேட்கவில்லையோ என நினைத்து அங்கு நிலவிய நிசப்தத்தை உடைத்துப் பார்க்க , தனக்கு கத்த வேண்டும் என்கிற எண்ணத்தை , தான் வெளியே செல்ல முடியாதாகிவிட போகிறது என்கிற பயம் தடுத்ததாக நகைச்சுவையாக எழுதி இருப்பார் . அதைப்போல அவர்கள் வாழும் உலகில் அவர்களுக்கு காதுகளில் கேட்கும் ஒலி எனக்கு கேட்கவில்லை போலும்.
வந்திருந்த பாலனின் பிரதிநிதி “மீசை” சுகுமாரிடம் , இளிவரள் நிபந்தனைகள் , கோரிக்கைகள், வேண்டுகோள் இப்படி ஏகத்துக்கும் சொல்லியனுப்பினார் . அது அவர்களின் புத்திவிகாசம் . அற்புதம் . ஏன் இவர்கள் இன்னும் இப்படியே இருக்கிறார்கள் என்பதற்கு அதன்பிறகு எனக்கு விளக்கமே தேவைபடவில்லை. மதியம் 3:00 மணிக்கு பாலன் வந்திருந்தார் , கோபம், வெறுப்பு, அழுகை , அணைப்பு என நவரசபரிதமான காட்சிகள் நடந்தேறின . நான் ஒருவார்த்தையும் பேசாது இந்தக்கூட்டத்தை பார்த்தபடி இருந்தேன் . எனக்கு இது சீக்கிரம் ஒரு முடிவிற்கு வந்தால் போதுமென்றாகிவிட்டது . அது ஒரு இரண்டுமணிநேர நாடகம் . விரைந்து முடிந்தது .
நாளை காலை சட்டமன்ற வளாகத்தில் உள்ள காங்கிரஸ் கட்சி அலுவலகத்தில் நடைபெறும் பத்திரிகையாளர்கள் கூட்டத்தில் கலந்து கொண்டு பிரிந்தவர் மீளவும் இணைந்ததை நிரூபித்து பின் செல்லலாம் என முடிவாயிற்று. அது ஒரு பலிகளத்திற்கு செல்லும்பாதை போல , எந்த உணர்ச்சியையும் வெளிக்காட்டிக்கொள்ளாது , நான் சென்று கொண்டிருந்தேன். பாலன் வந்து சென்றதை தங்களின் வெற்றியாக கருதி , நான் பக்கத்திலிருப்பதை மறந்து தங்களையும் கடந்து அவர்களுக்கும் முன்னே அவர்கள் தங்கள் பலிகளத்திற்கு சென்று கொண்டிருந்தனர்.
கருத்துகள் இல்லை:
கருத்துரையிடுக