ஶ்ரீ:
பதிவு : 170 / 244 : தேதி :- 26 ஆகஸ்ட் 2017
* இடைவெளிகளைத் தொகுத்தல் *
அரசியல் வெற்றிடம்
1996 தேர்தல் களம் - 6
தலைவர் சொல்லித்தான் உங்களின் பாலனின் தொடர்பே தெரியும். அவர் இந்தளவிற்கு ஒருவரை உயர்வாக பேசி நான் பார்க்கவில்லை . இப்போது எதையாவது சொல்லி நீங்கள் என்னை அனுப்பிவைத்தாலும்இது என்னுடன் முடியப்போவதில்லை . என்றார் . நான் அவரிடம் நான் என் உள்நிலை மாற்றத்திற்காகவே உங்களிடம் வந்தேன் . உங்களை பற்றிய என் எண்ணம் வேறாக இருந்தது அதனால் நான் யார் என்பதை உங்களிடம் வெளிப்படுத்தவில்லை . ரவிக்கு மட்டும் நான் யார் என்பது தெரியுமாதலால் உங்களிடம்சொல்லவந்தவனை நான் தடுத்துவிட்டேன். அன்று எனக்கிருந்த மனநிலையில் இனி சரிவராது என்றுதான் வெளியேறினேன் . ஆனால் இது ஊழின் அழைப்பில் பொதிந்துள்ள வசீகரம் இதிலிருந்து தப்பிப்பது சாத்தியமில்லை என உணரத்தொடங்கினேன். அது விரிக்கும் கரத்தை பற்றுவதை தவிர எனக்கும் வேறு வழியில்லை
தலைவர் சொல்லித்தான் உங்களின் பாலனின் தொடர்பே தெரியும். அவர் இந்தளவிற்கு ஒருவரை உயர்வாக பேசி நான் பார்க்கவில்லை . இப்போது எதையாவது சொல்லி நீங்கள் என்னை அனுப்பிவைத்தாலும்இது என்னுடன் முடியப்போவதில்லை . என்றார் . நான் அவரிடம் நான் என் உள்நிலை மாற்றத்திற்காகவே உங்களிடம் வந்தேன் . உங்களை பற்றிய என் எண்ணம் வேறாக இருந்தது அதனால் நான் யார் என்பதை உங்களிடம் வெளிப்படுத்தவில்லை . ரவிக்கு மட்டும் நான் யார் என்பது தெரியுமாதலால் உங்களிடம்சொல்லவந்தவனை நான் தடுத்துவிட்டேன். அன்று எனக்கிருந்த மனநிலையில் இனி சரிவராது என்றுதான் வெளியேறினேன் . ஆனால் இது ஊழின் அழைப்பில் பொதிந்துள்ள வசீகரம் இதிலிருந்து தப்பிப்பது சாத்தியமில்லை என உணரத்தொடங்கினேன். அது விரிக்கும் கரத்தை பற்றுவதை தவிர எனக்கும் வேறு வழியில்லை
ஒரு கட்டத்தில் நான் என்ன நினைத்தேனோ அதை அவரிடம் சொல்லத்துவங்கினேன் . தான் அனுப்பிய ஆள் தவறு அதுதான் காரணம் நான் உதாசீனமாக நினைத்துவிட்டேன் என சண்முகம் சொன்னது , அவருக்கு ஒருவித சங்கடத்தைக் கொடுத்திருக்கலாம். அது நிஜமில்லாத்தால் அதை கலைய நினைத்தேன் . “சுரேஷ் தவிர வேறு யாரும் வந்திருந்தாலும் என்னை இவ்வளவு எளிதாக சந்தித்து பேசியிருக்க முடியாது காரணம் நான் பேசுகிற மனநிலையில் இல்லை ”. “நான் அரசியல் மீதே ஒருவித கசப்பிலிருந்த நேரம்” . “எனக்கு அரசியலை தாண்டி சுரேஷ் மீது நிறைய மரியாதை இருந்ததால்தான் நான் என்ன நினைத்தேனோ அதைப்பேசி அனுப்பினேன்”. “இதில் நான் எதிர்பார்க்காதது. மரியதாசின் நுழைவை . அது தலைவர் நிகழ்த்தியது” என்றார் . “இன்று உங்களிடம் சிக்கிக்கொண்டது போலவே அன்று அவரிடம்” என்றதும் . அவர் சிரித்துக்கொண்டார் . “நான் நினைத்ததைவிட நீங்கள் வேறுமாதிரி இருந்தீர்கள் என்பதால்தான் நான் இதுநாள் வரை உங்களுடன் பயணித்தேன்” .என்றேன்
“அன்று பாலனுக்கு பிறகு யார் என்கிற விவாதம் துவங்கிய பிறகு , அங்கிருந்து எனக்கு வேறு வழிகள் திறந்து கொள்ளலாம் என்கிற அச்சம் காரணமாக நான் பாதியில் எழுந்து கொண்டேன். சிறிது இடைவெளி தேவை என தோன்றியதால் , சில நாட்களுக்கு வேறு விஷயங்களில் கவனத்தைக் குவித்தேன். ஆனால் சில நாட்களிலேயே இது சரிவராது என புரிந்துபோனது . எனக்கான வேலைகள் ஏதும் இல்லாது ஓரிடத்தில் நான் இருக்கமுடியாதென முதல் நாளே அறிந்து கொண்டது தான் . யாராலும் கவனிக்கப்பாடாது இருந்துவிட முடியும் என்கிற என் நிலைப்பாடு எனக்கு மேலதிக மனவழுத்தையே கொடுத்தது” .
“நான் திரும்ப அரசியிலில் ஈடுபட நினைத்தது தவறோ என்கிற குழப்பத்தினால் என்னை மறுபடியும் தொகுத்துக் கொள்ள நினைத்தேன் , அதுவரை நினையாது விட்டிருந்த இடைவெளிகளை நிரப்ப, அதன் பொருட்டும் நான் அன்று உங்களிடம் சொல்லிக்கொள்ளாமல் கிளம்பிச் சென்றேன்”. “பிறிதொரு முறை நீங்கள் என்னை தொலைபேசியில் அழைத்தபோதும் நான் வெறுமனே வருகிறேன் என் சொல்லி வைத்து விட்டேன் . நீங்கள் இவ்வளவு சொன்ன பிறகு நான் மறுத்ததின் காரணம் ,என் ஆணவம் என் நீங்கள் நினைக்கக்கூடாது” . “ உங்களின் மீது எனக்கிருக்கும் மதிப்பின் காரணமாகவே இந்த சங்கட நிலை . ஏனென தெரியவில்லை என்னால் முடியாது என சொல்ல தயங்குகிறேன்” என்றேன். அவரும் “அந்த நட்பின் அடிப்படையிலேதான் உங்கள் வீடுதேடி வந்திருக்கிறேன்” என்றார் . நான் மேற்கொண்டு வார்த்தைகளை விரயம் செய்யவிரும்மவில்லை . “ஒரு ஐந்து நிமிடம் ,இதோ குளித்து விட்டு வருகிறேன்” என்றேன் . அவர் முகமலர்ச்சியுடன் “காத்திருக்கிறேன் வாருங்கள்” என்கிறார் . நான் என் தங்கையிடம் அவருக்கு காபிக்கு சொல்லிவிட்டு குளிக்கச்சென்றேன் .
என்ன ஒரு மடத்தனம் இதை எப்படி யூகிக்காது போனேன் . மூப்பனார் வெளியேறி புதுக்கட்சி கண்டபிறகு சண்முகத்தின் அணியிலிருந்துதான் முக்கிய தலைவர்கள் கண்ணனை ஏற்காது போனாலும் மூப்பனாருக்காக அங்கு சென்று சேர்த்தனர் . கட்சியில் இன்று ஏற்பட்டிருக்கும் வெற்றிடத்தை நிகர் செய்யும் வேலையில் சண்முகம் உள்ளார் . எனக்கு அப்போது தேர்தலில் வீதி பிரச்சாரத்தின் போது நிகழந்த அந்த சம்பவம் நினைவிற்கு வந்தது .
எல்லோரும் காலை 10:30 மணிக்கு கூடினால் போதும் என்றுதான் முதல்நாள் இரவு முடிவு செய்திருந்தார்கள் . அன்று காலை காந்திராஜிக்கு கட்சி அலுவலகத்தில் ஏதோ வேலை . அவர் திரும்ப 11:00 மணியானது . அதன் பிறகே அவர்கள் வாக்கு சேகரிப்பை துவங்கினார்கள் . என்னால் 11:30 மணிக்குத்தான் அங்கு செல்ல முடிந்தது. நகரின் முக்கிய வீதிகளில் வாக்கு சேகரிப்பு . அண்ணா சாலையில் அவர்கள் இருக்கும்போதுதான் என்னால் அவர்களுடன் சென்று இணைய முடிந்தது . கடும் வெயில் என்பதால் எல்லோரும் ரோடில் நிற்பதும், கிடைத்தபோது நிழலில் ஒதுங்குவதுமாக இருந்தனர். வேட்பாளர் காந்திராஜிக்கு அந்த கொடுப்பினை இல்லை. நடு ரோட்டில் நிலவு காய்வது போல உலாவினார் . நான் நிழலுக்கு ஒதுங்கிய இடத்தில் வக்கீல் முருகேசன் நின்றுகொண்டிருந்தார் .
அவரை கவனிக்காது உள்ளே வந்த பிறகுதான் அவரை பார்த்தேன் . சட்டென வெளியேற முடியாது. அது நாகரீகமில்லை என்பதால் அவரை நோக்கிய புன்னகையுடன் ,அவர் அருகில் சென்று நின்று கொண்டேன் .சில நிமிட முறைமை உபசாரங்கள் , பின் அவர் என்னிடம் “நீங்கள் வந்தது குறித்து காந்திராஜிக்கு ஏக சந்தோசம்” என்றார் . நான் மையமாக சிரித்துக்கொண்டு அவரிடம் “மூப்பனாருக்கு நீங்கள் எவ்வளவு அணுக்கம் என் ஊருக்கே தெரியும் . அவரே கட்சி தொடங்கிய பிறகும் அவருடன் செல்லமாக நீங்கள் இங்கேயே நீடிப்பது பெரிய விஷயம்” என்றேன் . அவர் நான் பெரியவரை சென்று “முதலில் நான் என்ன செய்யட்டும் என்றதற்கு அவர் நாங்கள் இங்கு தமிழ்நாட்டில் காங்கிரஸ் ஆட்சி கொண்டுவர முயற்சிக்கிறோம் , அங்குதான் அது ஆட்சியில் இருக்கிறதே . நீங்கள் போய் புதுவையில் காங்கிரசுக்கு வேலை செயுங்கள்” என்றார் . “அவர் சொன்ன பிறகு நமக்கென்ன தனி அபிப்ராயம் . என்னால் இங்கு கண்ணனுடன் இணைந்து வேலை செய்ய முடியாது” என்றார் .
அவரை கவனிக்காது உள்ளே வந்த பிறகுதான் அவரை பார்த்தேன் . சட்டென வெளியேற முடியாது. அது நாகரீகமில்லை என்பதால் அவரை நோக்கிய புன்னகையுடன் ,அவர் அருகில் சென்று நின்று கொண்டேன் .சில நிமிட முறைமை உபசாரங்கள் , பின் அவர் என்னிடம் “நீங்கள் வந்தது குறித்து காந்திராஜிக்கு ஏக சந்தோசம்” என்றார் . நான் மையமாக சிரித்துக்கொண்டு அவரிடம் “மூப்பனாருக்கு நீங்கள் எவ்வளவு அணுக்கம் என் ஊருக்கே தெரியும் . அவரே கட்சி தொடங்கிய பிறகும் அவருடன் செல்லமாக நீங்கள் இங்கேயே நீடிப்பது பெரிய விஷயம்” என்றேன் . அவர் நான் பெரியவரை சென்று “முதலில் நான் என்ன செய்யட்டும் என்றதற்கு அவர் நாங்கள் இங்கு தமிழ்நாட்டில் காங்கிரஸ் ஆட்சி கொண்டுவர முயற்சிக்கிறோம் , அங்குதான் அது ஆட்சியில் இருக்கிறதே . நீங்கள் போய் புதுவையில் காங்கிரசுக்கு வேலை செயுங்கள்” என்றார் . “அவர் சொன்ன பிறகு நமக்கென்ன தனி அபிப்ராயம் . என்னால் இங்கு கண்ணனுடன் இணைந்து வேலை செய்ய முடியாது” என்றார் .
சண்முகம் இதுவரை சந்தித்ததை விட இந்த முறை நிச்சயம் இது பெரிய சவால் . மற்ற தலைவருடன் இருந்து பிரிந்தவர்களைவிட சண்முகத்திடமிருந்து பிரிந்தவர்கள் அதிகம் என்றார் . அதனால்தான் தான் இங்கு நீடிப்பதாக சொன்னார் . ஆனால் மறுநாள்முதல் முருகேசன் வரவில்லை ஏன் என யாருக்கும் புரியவில்லை. சில நாட்களுக்கு பிறகு காந்திராஜுடன் பேசிக்கொண்டிருந்த போது அவர் சொன்னது . மூப்பனாரை முருகேசன் சந்தித்தபோது அவருடன் சென்ற சிலர் அங்கேயே சில நாட்கள் தங்கியிருந்தனர் . புதுவையிலிருந்து பண்ணீர்செல்வம் சென்று மூப்பனாரை சந்தித்து முருகேசன் சொன்ன “வசனத்தை” அவர் பேச மூப்பனாரும் தான் முருகேசனனுக்கு சொன்னதையே பண்ணீர்செலவத்திற்கும் சொன்னார். அதை கேட்டு அவர் புதுவை திரும்பினார் . அங்கு பேசிக்கொண்டிருந்தவரகளிடம் மூப்பனார் “நானே வெளிவந்துவிட்டேன் என் பின்னல் வருவதுதானே இவர்களின் வேலை ,என்னிடம் அவர்களது எண்ணத்தை மறைத்து வார்த்தை வாங்க முற்சிக்கிறார்கள்”” என்றார் .”இது தான் தொண்டன் தலைவனூடான அரசியல்” என்று கூறி சிரித்துள்ளார் . இதை கேள்விப்பட்ட இருவரும் அன்றிரவே கண்ணனுடன் சென்று சேர்த்தனர்” . எனக்கூறி சிரித்தார் காந்திராஜ் .
தலைவர் தொண்டன் அரசியலின் பரிணாமம்மிது . கற்றுக்கொள்ளும் வாய்ப்புகள் அதிகம் . பாலனுடனான அரசியல் நீச்சல் குளமெனில் இது கடல் . வாழ்வு நிஜம் போலே சாவும் நிஜம் .சண்முகத்திற்கு பல அடிப்படைக் காரணங்களுக்காக நான் தேவைப்படலாம் . வெற்றிடம் மிகும் இடங்கள் எனக்கான களமாக நான் பார்ப்பது வழமை . ஆனால் சண்முகத்தை சந்தித்த பிறகு நான் அடைந்த அனுபவங்கள் அனைத்திற்குமானது . அங்கிருந்து நான் பெற்றதை வாழ்வின் பல கணங்களில் பொருத்தி பல பரிமாணங்களை பார்த்திருக்கிறேன் .
கருத்துகள் இல்லை:
கருத்துரையிடுக