ஶ்ரீ:
பதிவு : 230 / 316 / தேதி :- 06 நவம்பர் 201
* மையங்கொண்ட புயல் *
“வாய்ப்புகளில் புரியாமை - 15 ”
கருதுகோளின் கோட்டோவியம் -01.
அரசியலில் எதிர்கொள்ளும் அனைத்து சிடுக்குகளும் எனக்கு வேண்டியவர்களால் ஏற்படுவது அல்லது அவர்கள் மெளன பார்வையாளராக இருக்க சிலர் வேறு செய்வது . அதைத்தான் அரசியல் என அந்த சிலர் நினைப்பதை எதிர்க்கிறேன் . கட்சி அரசியல் எனது பாதையை என நான் தோர்ந்த போது அதன் அங்கீகாரத்தை குடிமை சமூகம் அளிக்கவேண்டும் என்கிற கருதுகோளை ஒட்டியே அதை உருவாக்கிக் கொண்டேன் . அதை நிரந்தரமாகப் பெறுவதற்கு முறையான செயலூக்கமும் அவர்களுடான நல்ல தொடர்புருத்தலும்தான் நல்ல அரசியல் என நம்புகிறேன் . தன்னை நிலைநிறுத்திக்கொள்வதை தாண்டி அரசியலென்ற ஒன்று இருக்கிறது என்றால் அது இதுதான் . தலைவர்கள் அரசியலின் போக்கை ஒவ்வொரு முறையும் நிர்ணயம் செய்வதில்லை. அது ஆற்றுப்பெருக்கென தன்வழியை தான் தேர விடுவது என்கிற கோட்பாட்டை அனைத்திலும் நடைமுறை படுத்த முயல்பவர்களாகவே அவர்கள் எப்போதுமே இருந்திருக்கிறார்கள் .
வளர விழைபவர்களின் அரசியல் , நல்ல செயல்பாடுகளைக் கொண்டதாக மட்டுமே இருப்பது . அதனாலேயே அது பிறரின் பார்வைக்கு சரியும் தவறுகளுமாக அனைத்தையும் முன்நகர்த்துகிறது. இதில் மாறுபட்டு நிற்பது எனது வழிமுறைகள் . பழைய அனுபவங்களிடமுருந்து நான் அவற்றை அடைந்ததனால் முடிந்தவரை தவறுகளுகளை தவிற்கமுயற்சிப்பது. எனக்கு மேலான ஸ்தானத்தில் இருப்பவர்கள் என்னை போன்ற ஒருவனிடம் இதுபோன்ற ஒரு அணுகுமுறையை அவர்கள் இதுவரை கண்டதில்லை, அதனால் பதறுகிறார்கள் , முடக்க நினைக்கிறார்கள் . என் வழிமுறைகள் எனக்கு முதல் நிலையானது . அதை எனது உளத்திருப்திக்காக ஆற்றுவது . அதை தொடர்ச்சியாக நிகழ்த்த ஒரு எனக்கு ஸ்தானம் தேவைபடுகிறது . அதை தானாக கிடைக்க அரசியில் செய்கிறேன் . அது கிடக்காமல் போனால் கவலை அடைவதில்லை . எனவே அதை தேடி நான் செல்வதில்லை
ஏன் இப்படி சிந்திக்கிறேன் என்பதற்கு , ஊசுடுவில் நடந்ததையும் அதன் பின்விளைவுகளையும் வல்சராஜிடம் சொன்னேன் . “அரசியல் சூழ்தல் நான் அறியாததல்ல . செயல்பாடுகளை சரியாத திக்கில் செலுத்துவதற்கும் அந்த வெற்றியின் பலனை பொருத்திருந்து பெறுவதையும் விரும்புகிறேன் . முரணியக்கமாக அதை செய்ய நான் தயங்குவதில்லை . ஆனால் அதையே உட்கார்ந்த இடத்தில் செய்துகொண்டிருப்பவர்களை நான் வெறுக்கிறேன்”என்றேன். வாசராஜ் என்ன சொல்லியும் நான் ஏற்கும் நிலையில் இல்லை என்பதையும் அது அவரது பதட்டத்தை அதிகரிக்க செய்வதை நான் பார்த்துக்கொண்டிருந்தேன் . என் நோக்கம் அவருக்கு பதட்டத்தை கொடுப்பதில்லை . நான் அங்கிருந்து கிளம்ப முயற்சிக்க அப்போது சூர்யநாராயணன் உள் நுழைவதை பார்த்தேன் .
உள்ளே நுழைந்த சூர்யநாராயணன் நாங்கள் இருக்கும் இருப்பில் ஏதோ உய்த்துணரந்து என்னைப்பார்த்தது எள்ளலாக கண் சிமிட்டிய படி “ஏதாவது சதியாலோசனையா? நான் வரலாமில்லையா ?” என்றார் . வல்சராஜ் மெளனமாக நான் கொடுத்த ராஜினாமா கடிதத்தை அவரிடம் கொடுத்தார் . அதை வாங்கிய வேகத்தில் படித்து முடித்து வல்சராஜிடம் கொடுத்தார் . நான் அவர்கள் பேசட்டும் என வெளியேற எழுந்தபோது , சூர்யநாராயணன் என்னிடம் உட்காரச்சொல்லி என்னிடம் “நான் சென்ற பிறகு உங்கள் சின்ன பசங்க விளையாட்டை வைத்துக்கொள்ளுங்கள் , நான் ஒரு முக்கிய தகவல் சொல்ல வந்திருக்கிறேன் , வல்சராஜை சந்தித்து பேசிய பிறகு உங்களைத்தான் அழைக்க எண்ணியிருந்தேன்” என்றார் . அதற்குள் முன்னாள் அமைச்சர் அனந்தபாஸ்கர் உள்ளே வந்தார் . ஏதோ சிக்கலென புரிந்துபோனது . “என்னை பார்த்ததும் என்ன துவங்கிவிட்டீர்களா” என்றார் . நான் மௌனமாகி வல்சராஜை பார்த்தேன் .இவரிடமும் அந்த கடிதத்தை காட்ட போகிறாரா? என நினைத்தேன் நல்லவேளையாக . அவர் அதை செய்யவில்லை .
தலைவரின் செய்தியாளராக சூர்யநாராயணன் சொல்லவந்தது சற்று சிக்கலான விஷயம் . அதை வல்சராஜ் மட்டும்தான் கையாள முடியும் . நாராயணசாமியின் பாராளுமன்ற ராஜ்யசபை உறுப்பினர் பதவி முடிவுறுகிறது . தலைவர் இந்தமுறை கட்சி போட்டியிடவேண்டாம் என்கிற முடிவில் இருப்பதாக சொன்னார் . நமக்கு போதிய சட்டமன்ற உறுப்பினர்களின் எண்ணிக்கை பலம் இல்லாததால் பல சிக்கல் எழ வாய்ப்புள்ளதாக நினைக்கிறார் . ஆனால் நாராயணசாமி வெற்றி தோல்வியை பற்றிய கவலை இல்லாது , தேர்தல் என்று வந்தால் கட்சி சார்பாக யாரவது நிற்கத்தான் வேண்டும் என்கிற முடிவிலிருப்பதாக சொன்னார் . இரண்டு பட்சத்திலும் நியாயமிருப்பதாக தோன்றினாலும் , இரண்டு பக்க அரசியலின் உள்மடிப்பில் எண்ணிக்கையிலடங்கா அரசியல் கணக்குகள் உறைகின்றன . அவற்றை உள்ளாழ்ந்து அகழ்ந்து இரவு முழுவதும் நாங்கள் பேசினாலும் அதன் பின்புலத்தில் உள்ள எல்லா அரசிய்லையும் பேசிவிட இயலாது .
தலைவரின் செய்தியாளராக சூர்யநாராயணன் சொல்லவந்தது சற்று சிக்கலான விஷயம் . அதை வல்சராஜ் மட்டும்தான் கையாள முடியும் . நாராயணசாமியின் பாராளுமன்ற ராஜ்யசபை உறுப்பினர் பதவி முடிவுறுகிறது . தலைவர் இந்தமுறை கட்சி போட்டியிடவேண்டாம் என்கிற முடிவில் இருப்பதாக சொன்னார் . நமக்கு போதிய சட்டமன்ற உறுப்பினர்களின் எண்ணிக்கை பலம் இல்லாததால் பல சிக்கல் எழ வாய்ப்புள்ளதாக நினைக்கிறார் . ஆனால் நாராயணசாமி வெற்றி தோல்வியை பற்றிய கவலை இல்லாது , தேர்தல் என்று வந்தால் கட்சி சார்பாக யாரவது நிற்கத்தான் வேண்டும் என்கிற முடிவிலிருப்பதாக சொன்னார் . இரண்டு பட்சத்திலும் நியாயமிருப்பதாக தோன்றினாலும் , இரண்டு பக்க அரசியலின் உள்மடிப்பில் எண்ணிக்கையிலடங்கா அரசியல் கணக்குகள் உறைகின்றன . அவற்றை உள்ளாழ்ந்து அகழ்ந்து இரவு முழுவதும் நாங்கள் பேசினாலும் அதன் பின்புலத்தில் உள்ள எல்லா அரசிய்லையும் பேசிவிட இயலாது .
நாராயணசாமியையும் சேர்த்து நாங்கள் அனைவரும் தலைவரின் ஆதரவாளர்கள்தான் , இருப்பினும் தலைவரா?, நாராயணசாமாயா? என்கிற கேள்வி எழுந்தால், வல்சராஜ் எப்போதும் நாராயசாமியை நோக்கிய மனச்சாய்வு கொண்டவர் . தலைவர் தரப்பில் நாங்கள் மூவர் மிச்சப்படுவோம் என்றாலும் எங்களுக்குள் ஸ்தான பேதமிருக்கிறது . ஆனால் ஒன்று தெளிவாக தெரிந்தது பெரும் புயலின் தொடக்கமிது . அனைத்து நிலைகளையும் புரட்டிப் போடக்கூடியது. இதை ஒட்டி தன்னிலை மறந்து அவசரத்தில் ஏற நினைப்பவர்களை சுற்றி எழும் பதட்டம் உள்ள கூட்டமும் , அதைசுற்றி நிகழவிருக்கும் அனர்த்தங்களையும் அப்போது என்னால் யூகிக்க முடிந்தது . புயலின் மையம் நாங்கள் உருவாக்க நினைக்கும் எங்களின் எதிர்காலத்தை சிதைக்கக் கூடியது என நினைத்தேன்.ஆனால் முற்றாக அழிக்கக் கூடியதாக இருக்கும் என்பதை அப்போது அறிந்திருக்கவில்லை
கருத்துகள் இல்லை:
கருத்துரையிடுக