ஶ்ரீ:
பதிவு : 249 / 335 / தேதி :- 25 நவம்பர் 2017
* உட்பூசலின் சிதைவு *
“முரண்களின் முனைகள் ” - 18
கருதுகோளின் கோட்டோவியம் -02
தலைவர் நினைப்பது நாராயணசாமி மீளவும் தில்லி செல்வது அவருக்கோ அல்லது மாநில கட்சி அரசியலுக்கோ உகந்ததல்ல என்கிற ஆழமான கருத்து எழுந்திருக்கலாம் . தேர்தல் என ஒன்று வரும்போது , அரசியல் கடமை அதை எதிர்கொள்வதே என ஒருவர் பேசினால் அது திரிக்கும் முயற்சி என்கிற சொல் நிற்காது . அதற்கு தலைவர் என்ன விளக்கத்தை சொன்னாலும் இந்த சமயத்தில் அது எடுபடப்போவதில்லை என்பதை அவர் அறிந்திருந்தாலும் , அவர் எப்போதும் விழைந்ததை சொல்லும் மனத்திடம் வாய்ந்தவர்.
பிறரிடம் பேசும்போது தலைவரை பொறுத்தவரை அவர் எந்த சிந்தனை பயணத்தையும் தன்னிடமிருந்தே துவங்குவார் . பொதுவாக நாம் எல்லோரும் அங்கிருந்தே அதை ஆரம்பிப்போம் . நாராயணசாமி முதல் முறை இந்த பதவிக்கு தலைவரால் தெரிவு செய்யப்பட்டபோது அவருக்கென தனித்த திறமைகள் வெளிப்படாதா காலம் . வாய்ப்பு கிடைக்கும் எவரும் அதை தொடர்நது தக்கவைத்துக்கொள்ளவே முயற்சிப்பர் . வெகுசிலருக்கு மட்டுமே அது சாத்தியப்படுகிறது . அரசியலில் தன்வளர்ச்சி என்பது பிறிதெவருடைய பாதையை மறிப்பது .முதலில் மனம் அதற்கான நியாயங்களை கற்பித்துக்கொள்கிறது . அதை எவர்முன் வைத்தாலும் அதற்கு ஒரு நேர்மை வழிமுறையாக சொல்வதற்கான பயிற்சி நமக்குள் மறைமுகமாக பின்னப்பட்டிருக்கும் .
ஆனால் இதை தொடர் செயல்திட்டமாக மாற்றிக்கொள்ளும் போது முரண் துவங்கிவிடுகிறது . இந்தக்கட்டத்தில் ஆதரவு , எதிர்ப்பு என உள்கட்ட அமைப்பு பிரிவுறுவது தவிர்க்க
இயலாதது . அந்தந்த தரப்பு தனக்கான தர்க்க நியாயாத்தை கற்பித்துக்கொள்கிறது . தலைவர் பொறுத்தவரை தெரிவு செய்யப்பட்ட எவரும் அதை தனக்கான வளற்சியாக முன்னிறுத்துவதை தனக்கு எதிரான அறைகூவலாக அவர் பார்க்கலாம் . இந்த சூழலில் அனைத்தும் ஒருவித மறைமுக தன்மையை அடைந்து விடுகிறது .
ஒருவருக்கொருவர் அடுத்தவரை தனது நிழல் என தன் பாதையில் குறுக்கிடுவதை அறியும்போது திடுக்கிடுகிறார்கள் . இது வன்மமாக மாறுகிறது . இதன் பொருட்டு எழும் இரு பக்க குறுங்குழு இதனால் பயனடைய முயற்சிக்கும்போது . அதன் பின் விளைவுகள் ஒரு நாளும் சீர்செய்ய இயலாதபடி திரிபுற்று பரஸ்பர துரோக குற்றச்சாட்டாக வெளியாகிறது . அநேகமாக தலைவர் நாராயணசாமியின் சிக்கல் இந்த இடத்தை அடைந்துவிட்டிருக்க வேண்டும் . ஒருவரை ஒருவர் நிழல்களை கண்டு கலக்கம் கொள்ள துவங்கியதும் மனிதமனம் நிழலான பாதையிலிருந்து வெளிச்சத்திற்கு வர விழைகிறது . காரணம் இருபக்கமுள்ள அதன் கூர் வெளிப்பட்ட பிறகு காரியங்கள் வேகமெடுக்க துவங்கும் . அப்போது அது மறைமுக விளையாட்டிற்கான களமல்ல . அது எந்த காரியத்தையும் வேகமெடுக்க வைக்காது . அப்போது பகிரங்கமாக தெரிய யாரவது ஒருவர் முதலில் வெளிப்பட்டாக வேண்டும் என பிறிதொருவர் எதிப்பார்ப்பார்.
அதுவரை அனைத்தும் கருத்தாக உலவியது நேரடியாக வைக்கப்பட்டால் , இதன் அடுத்த கட்டம் ஓட்டுவருக்கொருவர் நோக்கிய பரஸ்பர குற்றச்சட்டுகளே. இது தலைவர் நாராயணசாமி இருவரும் தங்களின் ஆழங்களை பேதித்துக்கொண்டு வெளி வருவதற்கான முன் கணம் . இந்த சந்தர்ப்பத்தில் அது வதந்திகளின் காலம் . இதுதான் அந்த உடைப்பை மேலும் பிளக்கும் நெருப்பிற்கு தீனி . அது எங்கும் இனி பேசப்படும். இது நல்லதற்கல்ல .
பாலனை விட்டு பிறியும்போது நாராயணசாமிதான் எனது தலைவராக தெரிந்தார் . அவருடன் அணுக்கமாக பழகுகிற வாய்ப்பை நான் அடைந்தபோது . என்னால் மட்டுமின்றி எவராலும் , ஒருகாலமும் அணுக்கமாக நெருங்கமுடியாத ஏதோ ஒரு தடை அவரிடம் இருப்பதை உணர முடிந்தது . அது ஏன் என என்னால் அன்று புரிந்துகொள்ள முடியவில்லை . தலைவருக்கும் எனக்கும் தலைமுறை இடைவெளி ஒரு பள்ளத்தாக்கு அளவிற்கு ஸ்தூலமா இருந்தும் அவரை என்னால் மிக அணுக்கமாக உணரமுண்டித்தது ஏன் என பலமுறை கேட்டுக்கொண்டதுண்டு . தலைவருக்கு அடுத்த நிலையில் நாராயணசாமிதான் என்கிற நிலையில் , இப்போது வெளிப்பட இருக்கும் பனிப்போர் பலவித சிக்கலை உருவாக்கலாம் .
கருத்துகள் இல்லை:
கருத்துரையிடுக