ஶ்ரீ:
பதிவு : 224 / 310 / தேதி :- 31 அக்டோபர் 2017
* நகல் மரியாதை *
“வாய்ப்புகளில் புரியாமை - 10 ”
கருதுகோளின் கோட்டோவியம் -01.
-குடிமை சமூகம் தனக்குடனான உரையாடல்களில் அவர்கள் எதிர்கொள்ளும் அனைத்து உணர்வுகளும் அந்த ஒற்றை மனப்பரப்பை அடையும் வழியாகிறது . அவை உணர்வுகளுக்கே முதன்மை இடம் என்பதால் அவை உண்மை நிகழ்வை சார்ந்திருக்க வேண்டும் என்கிற அவசியமில்லாதது . தவறினால் கூட அது திரும்பவும் தனது தவறுகளை திருத்திக்கொண்டு மறுபடியும் துவங்குகிறது . இதுவே இன்றுவரை இந்திய ஜனநாயக மரபை மத்திலும் மாநிலத்திலும் நிகழ்த்திக்கொண்டிருக்கிறது . தனிநபர் வசீகரத்தை தாண்டி செயல்பாடுகளே அரசியலின் தலைமையை முடிவு செய்கிறது . தமிழகம் போன்ற சில மாநிலங்கள் அதற்கு விதிவிலக்கு . அல்லது மூன்றாவது தலைமை எழ வாய்ப்பில்லாதபோது இரண்டிற்கும் இடையே சிக்கி கொண்டிருப்பது ஊழ் என முடிந்துபோகிறது . மற்றோரு கோணத்தில் அனைத்தும் பொது சமூகத்திலிருந்து எழுந்துவருவதே . அரசியல் இந்த இரண்டிற்குமான முரணியக்கத்தின் விளைவுகள்.
இருப்பினும் நடைமுறை சிக்கல்களை அவர்களுக்கு எப்போதும் புரியவைத்து விட முடியும் என்பது எல்லா சந்தர்ப்பத்திலும் சாத்தியமில்லாதது. எதுவும் ஒரு காலத்திற்கும் ஆதீனமானது . அரசியல்சரிநிலைகளை போல பல சரிநிலைகள் சமூகத்தில் காணக்கிடைக்கின்றன . எல்லா காலத்திலும் நடைமுறை அரசியலுக்கும், அறம்சார்ந்த சரிநிலைகளுக்கும் தருணங்களை பொறுத்து எதிர் திசையாக பேணப்படும் வாய்ப்புகளை, அல்லது அனைத்து ஆதரவையும் இழக்குக்கும் ஒரு தருணம் எழுவதை யாராலும் தடுக்க இயலாது . அப்போது நிலைமை திரும்பிவர காத்திருப்பது ஒன்றே அதில் நீடிக்கும் வழி . ஒருகால் அது திரும்பாமலே போய்விடின் அதுவே விண்ணகத்து தெய்வங்களின் விருப்பமென அதைவிட்டு ஒதுங்குதலை தவிர வேறு வழி இல்லை .
பால் விலை உயர்வு எதிர்ப்பு போராட்டம் நான் திட்டமிட்டதில்லை , அது ஒரு தற்செயல் நிகழ்வு . அதை ஒரு பேரத்திற்கு அழைப்பாக மாற்றி அமைபிற்குள் சிலர் லாபமடைந்தார்கள் என்றெல்லாம் நான் பின்னொருகாலத்தில் அறிந்துகொள்ள நேர்ந்தது . அவை அரசியலின் பிறிதொருமுகம் . அவர்கள் மட்டுமே அதை மிக நேர்த்தியாக கையாளுகிறார்கள் . அரசியல் ரிதியான விளைவுகளை கட்சி தரப்பிலிருந்து வேறொரு முனையில் அதன் உட்கூறுகளில் பயன்படுத்திக்கொள்ள விரும்பம் அவரகளுக்கானது. அதற்கான திட்டங்களுடன் அவர்கள் காத்திருக்கும் போதுதான் , என்னுடைய துரதிஷ்டம் நான் தலைமை பொறுப்பில் வரநேர்ந்தது .
எல்லாருடைய திட்டமும் பிறிதெவரையோ அந்தப் பதவிக்கு கொண்டு வருவதை பற்றிய திட்டத்தில் இருக்க, நான் ஏன் அந்த இடத்திற்கு கொண்டுவரப்பட்டேன் என உண்மையில் எனக்கு இன்றும் புரியவில்லை . ஆனால் பலருடைய கனவை கெடுத்தது என் நியமனம் என்பதை வெகு விரைவில் எனக்கு கிளைத்தெழுந்த உட்கட்சி எதிர்பிலிருந்து புரிந்துபோனது . எனக்கு அணுக்கமான நண்பன் ஒருவனுக்கு இந்த நிர்வாக கமிட்டியில் இடம்பெறும் விருப்பத்தை என்னிடம் சொன்னபோது மிகவும் வியப்பாக இருந்தது . அவனுடன் எனக்கு சுமார் பதினைந்து வருட நட்பு . எந்த சந்தர்ப்பத்திலும் தனக்கு அரசியலில் வருப்பமிருந்ததாக சாதாரண பேச்சில்கூட அவன் சொன்னவனில்லை . எதிலும் பிடிமானமின்றி கட்டற்ற வாழ்கையில் விருப்பமுள்ளவன்.
முதல் முறையாக என்னிடம் தனது அரசியல் விரும்பம் பற்றி பேசியபோது நான் ஏதோ விளையாட்டிற்கு சொல்லுகிறான் என நினைத்தேன் . ஆனால் அவனது தீவிரம் சிறிது நேரத்தில் எனக்கு புரிந்தது. அவனது அடிப்படை குணத்திற்கு அரசியல் எப்படி சரிவராது என்பதை நான் சொன்னேன் . அவன் விடுவதாக இல்லை . ஒரு முடிவோடு வந்திருந்தான். கட்சியில் இப்போது நிலவும் சிக்கலும் , அதன் எதிரொலியாக என்னால் சுதந்திரமாக எங்கும் செயல்பட முடியாத தன்மை நிலவுவதையும் , எனது உளச்சோர்வையும் அவனுக்கு வரிவாக சொன்னேன். ஆனால் அவன் தான் சொல்லவந்ததில் பிடிவாதமாக நிற்க , அவனுக்கு புரியும்படியாக சொல்லக்கூடிய நிலையில் நான் இல்லை .
நான் எனது பதவி சம்பந்தமாகவே யாரிடமும் கேட்பதில்லை என்கிற மனோபாவத்தில் இருந்தேன் . மேலும் நிஜமான அரசியலின் வேகம் அதன் பல உட்கூறுகளினால் நான் அலைகழிக்கப்பட்டு இருந்தேன் . யாரை நம்புவது என புரியாமையால் யாரிடம் எதை சொல்லுவது என்கிற குழப்பமான நாட்களவை. நான் எனது குழப்பத்தை அவனிடம் தெளிவாக பேச முயற்சித்தது என் குற்றம் . நான் சொல்லவந்ததை அவன் புரிந்து கொள்ளவில்லை என்பதை விட ,நான் அவனுக்கு உதவ மறுப்பதாக சந்தேகம் கொண்டு என்னை தவிற்த்து வேறு சில வழிமுறைகளின் மூலமாக அவனும் அந்த நிர்வாக கமிட்டியில் இடம்பெற்றான் .
கருத்துகள் இல்லை:
கருத்துரையிடுக