ஶ்ரீ:
பதிவு : 179 / 253:தேதி :- 04 செப்டம்பர் 2017
* மனவொழுங்கு *
“தனியாளுமைகள் - 07”
இளைஞர் அமைப்பின் கருதுகோள்-04
“எங்கு இருள் கலையாமல் தேங்கியிருக்கிறதோ அங்கே. சில மீன்கள் ஒருபோதும் ஒளியை அறியாமல் ஏரிகளின் ஆழத்தில் சேற்றுக்குள் வாழ்கின்றன. “விலகாத இருளென்பது ஒருவன் தன்னுள் இருந்து எடுத்துக்கொள்வதே.” என்கிறது வெண்முரசு நீர்க்கோளம் . தன்னை அறியாததும் விலகாத இருளே. எனக்கான சவாலை எதிர்கொண்டதும் , என்பாதை திறந்து கொண்டது . நான் எனது எதிர்கால அரசியல் அனுகுமுறை கண்டடைந்து இங்குதான் .
அன்று காலை என்னை வீட்டில் சந்தித்த குழுவை பாரத்ததும் , யாருக்கும் சிபாரிசு செய்யும் சூழலில் நான் இல்லை என்பது எனக்கு மிகவும் சங்கடமாக இருந்தது . இன்றைய சூழலில் நான் ஆற்றக்கூடியது ஒன்றில்லை . நான் தீடீரென தலைவரிடம் இவர்களை அழைத்து செல்லவியலாது . இரண்டு பக்கத்திலிருந்து சிக்கல் எழும். ஒன்று இவர்கள் முன்னாள் சட்டமன்ற உறுப்பினர் மாரிமுத்துவின் ஆட்கள் . பாலன் காலத்திலேயே எங்களுக்குள் சரியாக வராது . மேலும் இதை காந்திராஜ் பார்த்துக்கொண்டிருக்கிறார் . மேலதிகமாக நான் செய்யக்கூடுவது ஒன்றில்லை . அதை எப்படி அவர்களிடம் சொல்லுவது என் தயங்கிக் கொண்டிருந்தேன். அவர்கள் சொன்னது அன்று காலை வழக்கு விஷயமாக காந்திராஜை சந்தித்தபோது , காந்திராஜ் தலைவர் அவர்களை சந்திக்க விழைவதை சொன்னதும், அவர்கள் சென்று தலைவரை பார்த்திருக்கிறார்கள் . அவர் வழக்கு விஷயங்களை பேசிய பிறகு என்னைப்பற்றி விசாரிக்கத்துவங்கியதும் . அவர்கள் நான் இளைஞர் காங்கிரஸில் செயல்பட்ட முறைகளை அவரிடம் முழுவதுமாக சொல்லியிருக்கிறார்கள் . அந்த தகவலை எனக்கு சொல்ல வந்ததாக சொல்லிச்சென்றார்கள் . நான் சிறிது நேரம் என்னவெல்லாம் யோசித்து விட்டேன் என்கிற குற்றஉணர்வுடன் . அவர்கள் சொன்ன செய்தியும் சேர்ந்து கொண்டது . எதற்காக இருக்கும் என்கிற யோசனையில் அவரை அடுத்தநாள் சந்தித்தேன் .
தனது வழமையான உற்சாகத்துடன் அமரச்சொன்னார் . விரிவாக ஒன்றும் பேசிக்கொள்ள முடியவில்லை . யார் யாரோ வருவது போவதுமாக இருந்ததலால் அவரால் என்னுடன் தனிமையில் உரையாட முடியவில்லையோ என சிலமணிநேர காத்திருப்பிற்கு பிறகு , அவரிடம் சொல்ல ஒன்றில்லையோ என நினைத்து கிளம்ப எழுந்துகொண்டதும் ஒரு சிறு கைவிரல் அசைவு என்னை அங்கிரு என்றது . இரவு 9:00 மணியாகி அனைவரும் கிளம்பிச்சென்ற பிறகு என்னிடம் பொதுவாக பாலனை பற்றி பேசத்துவங்கினார் . நான் அவரது அணுகுமுறையை புரிந்து கொண்டேன் . அவர் சொல்ல விழைவைதை நேரடியாக சொல்லும் வழமை இல்லாதவர் . நாம் அதை புரிந்ததாக தொடர்ந்தால் அவரும் அதை தொடர்ந்து பேசுவார் . அன்று அவரோட பேசியதில் இளைஞர் அமைப்பை மறுபடியும் ஒருங்க சொல்லுவதாக இருந்தது.
என்னுடைய தொடர்புகள் அனைத்தையும் ஒருங்கிணைத்து ஒரு கூடுகை மாநில கட்சி அலுவலகத்தில் நிகழ்த்த முடிவு செயதேன் . அனைவரையும் அழைப்பது என் முடிவு . அன்று மாலை 5:00 மணிக்கு கூடுகை துவக்கம் என ஒருங்கியிருந்தது நான் தலைவரை சென்று கூடுகைக்கு வருமாறு அழைத்ததும் அவர் , அதே பழைய அமைப்பின் காழ்ப்பிலிருந்தார் . அவர்கள் மரியாதை தெரியாத கூட்டம் நான் வேண்டாம் நீ நடத்து . என்றார் . இந்த கணக்குத்தான் , எதிலும் படாது பேசினாற்போலும் . நான் அவரை ஓரிருமுறை வற்புறுத்திவிட்டு , அலுவலகம் கிளம்பினேன் . அலுவலகத்தில் நான் எதிபாரதத்தைவிட கூட்டம் அபரிதமாக இருந்தது . நான் நேராக சூர்யநாராயணன் அறைக்கு சென்றேன் . அவர் மிகவும் மலர்ந்த முகத்துடன் என்னை வரவேற்று கைகுலுக்கி மகிழ்ந்தார் . இது உங்களால் முடியும் என்று நான் நேற்று தலைவரிடம் சொன்னபோது அவர் நம்பவில்லை . ஒரு நிகழ்வு பெரிய வெற்றியை அடையும் என்பதை கலைமுதலே உணர்ந்து விடுவேன் . அதுவே இன்றும் நிகழ்ந்தது . என்றார் . தலைவர் வந்ததும் துவக்கலாம் என்றார் . நான் தலைவர் வர மறுத்துவிட்டதை அவருக்கு சொன்னேன் , சிறிது திகைத்தாலும் . என்னிடம் நிகழ்வை துவக்கவேண்டாம் தலைவரிடம் நான் பேசிவிட்டு சொல்கிறேன் என்றார் .
நான் கூட்டத்தை துவங்கி சிலரை பேச அழைத்து அவர்கள் பழைய நினைவுகளை அங்கு எடுத்து விரித்துக்கொண்டிருந்தனர் . என் அளவில் அது மிக முக்கியமானதொரு கூடுகை .அதன் உட்கூரை எவரும் அன்று அறிந்திருக்கவில்லை . சுமார் இருபத்தைந்து வருடத்திற்கு பிறகு கட்சி அலுவலகம் வந்திருக்கின்றார்கள் . இவர்கள் பாலனையும் கண்ணனையும் நம்பி சென்றவர்கள் மிகச்சிலர் வெற்றி அடைத்திருக்கிறாரகள் . ஆனால் தோற்றவர்களின் எண்ணிக்கைதான் மிகுதி . அவரவர்கள் அளவில் வெற்றி தோல்வி எனபது அடையும் பதவியையும் அதனால் ஈட்டும் பொருளியலை அடிப்படையாகக்கொண்டது . ஆனால் அரசியலென்பது அதை குறிவைத்து நகர்வதல்ல. ஆளுமையை வளர்ப்பது , அதன் அடைப்படை மன ஒழுங்கினால் வடிவமெப்பது.
நான் கூட்டத்தை துவங்கி சிலரை பேச அழைத்து அவர்கள் பழைய நினைவுகளை அங்கு எடுத்து விரித்துக்கொண்டிருந்தனர் . என் அளவில் அது மிக முக்கியமானதொரு கூடுகை .அதன் உட்கூரை எவரும் அன்று அறிந்திருக்கவில்லை . சுமார் இருபத்தைந்து வருடத்திற்கு பிறகு கட்சி அலுவலகம் வந்திருக்கின்றார்கள் . இவர்கள் பாலனையும் கண்ணனையும் நம்பி சென்றவர்கள் மிகச்சிலர் வெற்றி அடைத்திருக்கிறாரகள் . ஆனால் தோற்றவர்களின் எண்ணிக்கைதான் மிகுதி . அவரவர்கள் அளவில் வெற்றி தோல்வி எனபது அடையும் பதவியையும் அதனால் ஈட்டும் பொருளியலை அடிப்படையாகக்கொண்டது . ஆனால் அரசியலென்பது அதை குறிவைத்து நகர்வதல்ல. ஆளுமையை வளர்ப்பது , அதன் அடைப்படை மன ஒழுங்கினால் வடிவமெப்பது.
கருத்துகள் இல்லை:
கருத்துரையிடுக