ஶ்ரீ:
சிருங்கிபேரபுரம்
பதிவு : 439 / தேதி :- 08. மார்ச் 2018
ருசி . அது ஒரு உளமயக்கு.உணவுப் பொருளில் அதற்கான தன்மை முழுவதுமாக இருப்பதில்லை . அதன் நுண்ணிய பிறிதொரு பகுதி உண்பவரின் நினைவிலிருந்து எடுக்கப்பட்டு சமன்செய்யப்படுகிறது . சமனாகாத போது குறைகளாக அவை உணரப்படுகிறது போலும் . ஆவல் பொங்க சாப்பிட சென்றவர்கள் , சாப்பிட்ட இட்லியை நொந்தபடி திரும்பினர் . இது அது மாதிரி இல்லை வேரெதோ மாதிரி இருந்தது என்றார் . அதை பார்த்த , கேட்ட சிலர் , வேண்டாம் , நமது உணவே போதும் என்கிற முடிவிற்கு வந்துவிட்டார்கள் . காலை உணவிற்கு முன்பாக அங்கிருந்து வெகு அருகாமையில் , ராமர் கோவிலுக்கான வேலைகள் நடைபெறும் இடம் மற்றும் அதை நிர்வகிக்கும் சாது ஒருவரை பார்க்க அனைவரும் புறப்பட்டோம். ராமஜென்ம பூமி அறக்கட்டளை என்கிற நிறுவனம் ராமர் கோவில் கட்டுவதை பற்றிய ஏற்பாடுகளில் ஈடுபட்டு வருவதை பல வருடங்களுக்கு முன்பு தினசரிகளில் படித்திருக்கிறேன் . இது அதுதான் எனக்கு தெரியாது .ஆனால் ஒரு அமைப்பு அங்கு ராமருக்கு கோவில் கட்டுவதை ஒரு விரதம் போல ஈடுபட்டு வருவதாக எங்களுக்கு சொல்லப்பட்டது . அனைவரும் அங்கு சென்றோம் .
அது சுமார் ஆறு , ஏழு ஏக்கர் நிலப்பரப்பில் விரிந்த இடம் அங்குமிங்குமாக எங்கு பார்த்தாலும்
இளஞ்சிவம்பு நிற கற்கள் மற்றும் பலவிதமான கட்டுமான பொருட்கள் ஏராளமாக குவித்து வைக்கப்பட்டிருந்த்து . அனைத்தும் ஒரு விதமான சந்தன வண்ணத்திலான கற்கள் , நுண்ணிய வேலைப்பாடு மிக்க தூண்களும், இணைப்பு சட்டகங்கள், மேற்கூரையின் பலவித அளவுகளில் , பாணியில் விதானங்களாக, படி நிலைகளாக , கோபுர தூண்களை நிறுத்தும் அடி பீடங்களாக . அதில் வைக்கப்படவிருக்கும் விதவிதமான சிற்பங்கள் என் ஏராளமான பொருட்கள் தயார் நிலையில் வைக்கப்பட்டிடுந்தது. அவை தவிர இன்னதென்று புரிந்து கொள்ள இயலாத கோவில் கட்டுமான பொருட்களும் அங்கு குவித்து வைத்திருந்தார்கள் . நாங்கள் சென்ற போதுகூட பெரும் கூட்டமாக வேலைகள் தொடர்ந்து நடந்தவண்ணம் இருந்தது .
அதன் தலைமை பொறுப்பில் உள்ள சாது ஒருவரை சென்று பார்த்தோம் . அவர் மௌன விரதத்தில் இருப்பதாகவும் , ஒருநாள் ஒன்றுக்கு ஒரு கோடி ராம நாமம் ஜெபித்து முடித்த பிறகே உணவருந்துவதாகவும் அதுவரை ஏதும் உண்பதில்லை என அவரது உதவியாளர்கள் போல இருந்த சிலர் சொன்னார்கள் . உள்ளே சென்று பார்த்தபோது மிகவும் வயோதிகரான ஒருவர் தியானத்தில் இருப்பதை பார்க்க முடிந்தது . வெளியில் சிலருடன் நான் பேசியபோது அவர்கள் சொன்னார்கள் “தீர்ப்பு சாதகமாக வந்தால் நாற்பத்தியெட்டு மணி நேரத்தில் முழு கோவிலும் கட்டி முடிக்கப்பட்டு விடும்” என சொல்லி எங்களை அந்த தயார் நிலையில் உள்ளதை ஒன்றுடன் ஒன்றை பொருத்திக்காட்டினார் . பிரமிப்பாக இருந்தது . அதன் பிறகு அங்கிருந்த பொருட்களை அளவை வைத்து பார்க்கிற பொது அவர் சொல்வது மிகையல்ல என்பதை புரிந்துகொள்ள முடிந்தது.
பின்னர் அங்கிருந்து தமஸா நதிக்கரைக்கு செல்வதை பற்றிய பேச்சி எழுந்ததும் அனைவரும் காலை உணவை முடித்துக்கொண்டு தமஸா நதிதீரத்திற்கு கிளம்பினோம் . ராமர் அயோத்தியை விட்டு வனவாசத்திற்கு புறப்பட்டபோது முதல் நாள் இரவு இங்குதான் தங்கியதாக ராமாயணம். சொல்லுகிறது . ராமர் வனவாசம் புறப்பட்டபோது லக்ஷக்கணக்கானவர்கள் அவரை பின்தொடர்ந்துவர தன் பொருட்டு அனைவரும் செய்யும் தியாகம் பொறுக்காது, அதிகாலை அனைவரும் உறக்கத்திலிருக்கும்போது அவர்களுக்கு தெரியாது ராமர் அங்கிருந்து சிருங்கிபேரபுரம் சென்றார் . சிருங்கிபேரபுரம் குகனுக்கு உட்பட்ட ராஜ்யம் . ராமர் இரண்டாம் நாள் அங்கு ஒருநாள் இரவு உறங்கினார் என்கிறது ராமாயணம் . அந்தக்காலத்தில் சாலை வசதிகள் உண்டென தெரிகிறது ராமர் லட்சுமணன் சீதை மூவரையும் சுமந்தரர் ரதத்தில் கொண்டு விட்டார் என்கிறது கதை .
கருத்துகள் இல்லை:
கருத்துரையிடுக