ஶ்ரீ:
வேணி மாதவன்
பதிவு : 435 / தேதி :- 04. மார்ச் 2018
எல்லோரும் ஜீயர் சுவாமியின், பூஜையில் பங்கேற்க கரைக்கு சென்றார்கள் . சென்று நானும் இணைந்துகொண்டேன் . ஜீயர் சுவாமிகள் தனது 300 வருட பாரம்பரிய நித்யாராதன பெருமாளை எடுத்துவந்திருந்தார் , தீர்த்த ராஜன் என வேதத்தில் புகழப்பட்ட புராண நதிக்கரையான் திருவேணி சங்கமத்தில் விசேஷித்து பூஜை , கண்டருளப்பட்ட பிரசாத விநியோகம் எல்லாம் நடந்து முடிந்தது . யாத்திரை குழுவினர் தங்கியிருந்த இடத்தில் எல்லோருக்கும் காலை உணவு ஒருங்கி இருந்தது . பூஜை முடிந்ததும் அனைவரும் காலை உணவிற்கு விடுதிக்கு திரும்பினர் . நாங்களும் அந்த பிரமாண்டமான ஆசிரமத்திற்கு சென்றோம் . முதல் நாள் இரவு வந்தபோது ,அந்த இடம் கலவையான பல உணர்வுகளை என்னுள் எழுப்பி இருந்தது . இப்போது எந்த ஆரவரமுமின்றி அமைதியா இருப்பதாக பட்டது . இரவில் முன்பின் தெரியாத அடந்த பிரதேசம் ஏற்படுத்திய ஒவ்வாமை இப்போதில்லை . இருள் எப்போதும் நமக்கு கற்பனைகளை வாரி வழங்க விடுபவை .
அந்த இடத்தின் பிரமாண்டத்தை இப்போது பார்க்க முடிந்தது. முதல்நாள் அங்கு வந்து நான் தான் விடுதியின் சாவிகளை வாங்கி சென்றேன் , கிழக்கு மேற்கு தெரியாத இருட்டில் பார்த்தது . இப்போது பகல் வெளிச்சத்தில் முற்றாக வேறு மாதிரி இருந்தது. ஒரு சதுரமான அமைப்பும் நான்கு பக்கம் தங்கும் அறைகளை கொண்ட இரண்டடுக்கு கட்டிடம் அது . நடுவில் முற்றம் போல பெரிய திறந்த வெளி . சமையல் அங்குதான் நிகந்திருக்க வேண்டும் . அனைவருக்குமான காலை உணவாக அரிசி உப்புமா,சாம்பார் தயாராக இருந்தது. அதை எடுத்து இரண்டு பித்தளை அண்டாவில் வைத்துவிட்டு, அனைத்தும் ஏறக்கட்டி விட்டார்கள் .மதிய உணவிற்கு தேவையானவைகள் காலையிலேயே செய்து முடிக்கப்பட்டு வண்டியில் ஏற்றப்பட்டு விட்டது . முன்னமே அங்கு வந்துவிட்டவர்கள் , தட்டுடன் வரிசையில் நின்று உணவு பெற்று சென்று கொண்டிருந்தனர். நாங்களும் அங்கு காலை உணவை முடித்து ,அந்த விடுதியை விட்டு புறப்பட தயாரானோம்.
எனது வண்டி ஓட்டுனரை அழைத்து காலை உணவு அங்கு முடித்துக்கொள்ள சொன்னேன் . அவன் பித்தளை அண்டாவில் வைத்திருந்த அரசி உப்புமாவை ஒருவித ஒவ்வாமையுடன் எட்டி பாரத்தவர் , முகத்தை சுளித்து என்னிடம் இரண்டு நாளாக அரசி சாப்பாடு எனக்கு சரி வராது. நான் வெளியில் எங்காவது ரொட்டி சாப்பிட்டு கொள்கிறேன் என்றார் . நான் மனதிற்குள் சிரித்துக் கொண்டேன் . தொடர்ச்சியாக சப்பாத்தியாக சாப்பிட்டால் நமக்கேற்படும் அதே வெறுப்பு , அவருக்கு அரசியில் வந்திருக்கிறது .
முதல்நாள் நடந்த குழப்பத்திற்கு பிறகு இந்த குழுவை ஒரு கணமும் விட்டுப்பிரிவதில்லை என்கிற சங்கல்பத்தோடு இருந்தேன். தங்கியிருந்த விடுதியை காலிசெய்துவிட்டு . அனைவரும் அங்கிருந்து “வேணி மாதவன்” கோவிலுக்கு புறப்பட்டோம் , பின் அங்கிருந்து நந்திக்கிராமம் செல்லலாம் என பேசிக்கொண்டார்கள் . நந்திக்ராமம் கோகுலத்திற்கு அருகில் எங்காவது இருக்கும் என பிழையாக புரிந்துகொண்டேன் . இது பரதன் ராமரிடம் தான் வேண்டிப்பெற்றுக்கொண்ட அவரது பாதுகைகளை எடுத்துக்கொண்டு அயோத்திக்கு செல்ல விரும்பாது நந்திக்கிராமத்திலேயே தங்கிவிட்டான் , என்பதை அங்கு சென்ற பிறகு அறிந்து கொண்டேன்.எங்கள் பாதுகாப்பு கருதி ஒரு ஏற்பாடு செய்துகொண்டேன் . வழியில் எங்களுக்கு நிகழ்ந்தது போல விபத்தோ சிக்கலோ பிறிதொரு முறை நிகழக்கூடாது என முடிவெடுத்து இரண்டு பேருந்துகளுக்கு இடையில் பாதுகாப்பாக ஜீயர் ஸ்வாமிகளும் அவர் குடும்பத்தார் சென்ற வண்டியை தொடர்ந்து எங்கள் வண்டியையும் அமைத்துக்கொண்டோம் .
கருத்துகள் இல்லை:
கருத்துரையிடுக