ஶ்ரீ:
அரிய நிகழ்வும் வெறுமையும் - 15
சில விடுபடல்கள்
பதிவு : 403 / தேதி :- 01 பிப்ரவரி 2018
எங்களுக்குமுன் சென்ற யாத்திரை குழு சில நடைமுறை இடர்களை தவிற்க, தனது பயணத்திட்டத்தை மாற்றி அமைத்துக்கொள்ள கொண்டது. தில்லி.இருந்து நைமிசாரன்யம் சென்று இரவு தங்கி , பின்னர் புஷ்கரம் நோக்கி செல்வதாக திட்டமிடப்பட்டிருந்தது. தில்லியிலிருந்து புஷ்காரம் , நைமிசாரண்யம் இரண்டும் ஏறக்குறைய 6:30 மணிநேரப் பயணம் , ஆனால் இரண்டும் வெவ்வேறு திசையில் இருந்ததாலும், வேறு ஏதோ சிக்கல் அவர்கள் நைமிசான்யம் அடைந்து பார்க்க வேண்டியதை முடித்துக்கொண்டு அங்கு தங்காது புஷ்காரம் செல்வதாக திட்டமிட்டு விட்டார்கள் .
புஷ்கரம் நாங்கள் இருக்கும் லக்னோவிலிருந்து சுமார் 700 கி.மீ தூரம் ஆக்ரா சென்று பின் அங்கிருந்து புஷ்காரம் செல்லவேண்டும் . 12:00 மணி நேரப்பயணம் . இப்போதே மணி பின் மதியம் 2:00 மணி ஆகியிருந்தது இப்போது கிளம்பினாலும் ,நடு நிசி கடந்து 2:00 மணிக்கு மேல்தான் சென்றடைய முடியும் , பெண்களையும் குழந்தையும் வைத்துக்கொண்டு அதைப்போல ஒன்றை முயற்சிப்பது பைத்தியக்காரத்தனமாக பட்டது .
திட்டம் மாறுபட்டு போனதால் அனைத்தும் குழப்பமாகி, இப்போது நாங்கள் எங்களுக்கான அடுத்த சத்தியம் பற்றிய திட்டமிட்டாக வேண்டும் . யாத்திரை குழு இரவு புஷ்காரத்தில் தங்கி பின்னர் அங்கிருந்து சித்ரகூடம் செல்கிறார்கள் . அது வடக்கிலிருந்து தெற்கை நோக்கிய பயணம். புஷ்காரத்திலிருந்து 800 கி.மீ தூரத்தில் இருந்தது . திரும்ப ஆக்ரா, கான்பூர் வந்து சித்திரகூடம் செல்வதாக இருந்தால் நாங்கள் கான்பூரில் சென்று அவர்களுடன் இணைந்து கொள்ளலாம், ஆனால் அவர்கள் மாற்று வழியாக தொடர்ந்து பல்வேறு இடங்களை பார்த்தப்படி செல்வதால் , கோட்டா ஜான்சி வழியாக மாற்றுப்பாதையில் பயணப்பட்டு நடு நிசி சித்ரகூடம் சென்று அடைகிறார்கள் . இப்போது எங்களுக்கான ஒரே வாய்ப்பு அவர்களை சித்ரகூடத்தில் சென்று பிடிப்பதுதான் . அலகாபாத் லக்னோவிலிருந்து 200 கி.மீ உள்ளது முழுவதும் நகர் சார்ந்த பகுதி என்பதால் பயணம் 6:00 மணி நேரம் மேலும் நீடிக்கும். என்ன முடிவெடுப்பது என புரியாமல் திகைத்திருந்தேன்.
கருத்துகள் இல்லை:
கருத்துரையிடுக