ஶ்ரீ:
அம்மாவின் பிராத்தனை
பதிவு : 420 / தேதி :- 18 பிப்ரவரி 2018
நீண்ட தூரப்பயணம் என்பதும், பலர் சம்பந்தப்படும் போது சிறு சிறு விஷயங்கள் கூட நிகழ்சி ஏற்ப்பாட்டாளருக்கு எங்காவது ஒரு சிக்கலை ஏற்படுத்தி விடுவது தவிற்க இயலாதது . நாங்கள் தனியாக கிளம்பிவந்து குழுவுடன் இணைய முயற்சித்ததால் , சிறு சிறு முரண்நிகழ்வுகளே மறக்கமுடியாத பதட்டமான நேரங்களை கொண்டுவந்து கொடுத்து விடுகின்றன . அவர்கள் சென்ற பேருந்தின் டயர் பஞ்சராகி , பலமணிநேரமாக காத்துக்கிடந்ததால் எங்களுடன் தொடர்புறுத்தும் மன நிலையில் அவர்கள் இருந்திருக்க வாய்ப்பில்லை . அழகானந்தத்தால் தான் இப்போது எங்கு நின்று கொண்டிருக்கிறோம் என்பதை துல்லியமாக சொல்ல இயலவில்லை . ஆனால் யூகமாக அலகாபாத் தாண்டவில்லை என்பதை மட்டும் உறுதியாக சொன்னார் .
அது சரியாகக்கூட இருக்கலாம் ஆனால் புறவழியாக அவர்கள் பயணிக்க துவங்கியிருந்தால் அலகாபாதிலிருந்து விலகியிருக்க ஒரு வாய்ப்புள்ளது . எனக்கு இது ஒரு கடைசீ சந்தர்ப்பமாக தோன்றியது . இது பகவான் கொடுத்த கொடை . இம்முறை மிகத்தெளிவாக திட்டமிட்டு அவர்களுடன் சென்று இணைந்து விட வேண்டும் . நான் அழகானந்தத்திடம் அவர்களை இருக்கும் இடத்திலேயே எவ்வளவு நேரமானாலும் எனக்காக காத்திருக்கச்சொல்லி விட்டு , நாங்கள் அலகாபாத் நோக்கி வேகமாக பயணமானோம் . அலகாபாத் சென்று நங்கள் தங்கி இருந்த விடுதியின் மேலாளர் மூலமாக யாத்திரை குழுவினரை தொடர்பு கொண்டால் அவர்கள் இப்போதிருக்கும் இடத்தை சரியாக அடையாளம் கண்டுகொள்ள இயலும் என நினைத்தேன்.
இப்போதுள்ளதைபோல இணையதள வசதிகளோ நவீன தொடு அலைபேசிகள் இல்லாத காலம் . கூகுள் மேப் அப்போது இருந்தாலும் , மொபைல் நெட் வசதிகள் இல்லாததால் துல்லியமாக எங்கிருக்கின்றோம் என அறிய முடியாது . இப்போது அவர்கள் எங்கிருகிறார்கள் என தேடிச்செல்லவது சிக்கல். அவர்கள் அலகாபாத் ஊருக்குள் செல்லாமல் வெளியிலேயே பிரிந்து விடும் புறவழிச்சாலையை தாண்டியருந்தால் அவர்களை நாங்கள் அலகாபாத் செல்லும் வழியில் சந்திக்க இயலாது . நாங்கள் தங்கியிருந்து விடுதிக்கு சென்று அதை காலி செய்து விட்டு அவர்களுடன் சென்று இணைந்து கொள்வதுதான் சரியாக இருக்க முடியும், இப்போது அவர்களை சென்றடைய சிறு தாமதமேற்பட்டாலும் , அது பெரிதாக தெரியாது . எனக்கு போன உயிர் திருப்பியது போல இருந்தது . ராமருக்கு மனதால் ஆயிரம் முறை நன்றி சொல்லிக்கொண்டிருந்தேன்.
அவர்கள் அயோத்தி சென்று சேரவில்லை என்கிற செய்தி நிம்மதி அளிப்பதாக இருந்தது . ராமஜென்ம பூமியை பார்க்கும் பாக்கியத்தை இழக்கவில்லை என்பது எதனாலும் ஈடு செய்ய முடியாத கொடையாக தோன்றியது. அவர்கள் சுமார் 4:00 மணி நேரத்திற்குமேலாக ஒரே இடத்தில நின்று கொண்டிருப்பதால் அலகாபாத்தை தாண்டியிருக்க வாய்ப்பில்லை என்கிற அழகானந்தத்தின் கணிப்பு சரிகவே இருக்கம் என நம்பிக்கையை அடைந்தேன் . அவர்கள் அலகாபாத்தை பிரிந்து செல்லும் பாதைக்கு முன்பின் எங்கோ இருக்கவேண்டும் . எப்படி பார்த்தாலும் எனக்குத் தேவை ஒரு மூன்றுமணி நேரம் ,அவர்களை பிடிக்க. என்பது உற்சாகத்தை அளிப்பதாக இருந்தது .
கருத்துகள் இல்லை:
கருத்துரையிடுக