ஶ்ரீ:
அரிய நிகழ்வும் வெறுமையும் - 16
அலகாபாத்
அலகாபாத்
பதிவு : 404 / தேதி :- 02 பிப்ரவரி 2018
நாங்கள் சென்று இணைந்து கொள் நினைத்திருந்த யாத்திரை குழு திடீரென தனது பயணப் பாதையை மாற்றிக்கொண்டது , நாங்கள் திட்டமிட்டு நினைத்து வந்ததை முற்றாக சிதைத்தது. அடுத்து என்ன செய்வது என்கிற குழப்பம் சிந்தனையை நிரப்பி எங்களை செயலிழக்கச்செய்து விட்டது . நான் எனது மாற்று திட்டத்தைப் பற்றி யோசிக்க , கீழே கார் பார்க்கிங்கில் நின்றிருந்த ஓட்டுனரை நோக்கி சென்றேன். புஷ்கரம் இங்கிருந்து 12 மணிநேர பணயம் என எங்கள் வண்டி ஓட்டுநர் சொன்னதும் பதட்டம் அதிகமானது . என்ன செய்வதென முடிவு செய்ய முடியாதபடி சிந்தனை தடைபட்டு விட்டது , முழு பயணத்திட்டமும் , முடிவுற்றது போலாகியது . அடுத்து என்ன எனபதே இப்போதைய முதன்மை கேள்வி .
முன்பின் தெரியாத சாலை மார்க்கத்தில் நாளை கருக்கிருட்டில் கிளம்ப முடியாது . அப்படியே அதிகாலை 5:00 மணிக்கு புறப்பட்டாலும் அலகாபாத் 6:00 மணி பயணம் அங்கிருந்து சித்ரகூடம் 145 கி.மீ தூரம் எப்படியும் 3:30 மணி நேரப்பயணம் . முன்னே சென்றுகொண்டிருக்கும் பயணக்குழுவை பின் மதியம் 2:00 மணிக்கு பிடிக்க முடியும் என்பதற்கு எந்த உத்திரவாதமும் இல்லை .
நீண்ட யோசனைக்கு பின் இப்போது தங்கியிருக்கும் விடுதியை காலி செய்து புறப்பட்டால் இருட்டுவதற்குள் அலகாபாத் அடைந்து விடலாம் என முடிவு செய்தேன் . முதல் நாள் இரவிலிருந்து தூக்கமின்மை, காலையிலிருந்து அம்மா செய்த கலாட்டா இவற்றால் மனம் சற்று ஓய்வை எதிர்பார்த்தது . இதன் மத்தியில் பெரிய தொகை கொடுத்து எடுத்த விடுதியை விட்டு வெளியேற மனம் சற்று தயங்கி சிதறியது . ஆனால் அதை திரட்டிக்கொண்டேன். இந்த சொகுசுக்கும், ஓய்விற்கும் ஆசைப்பட்டால் முழு பயணத்திட்டமும் பாழ் , என தொகுத்துக் கொண்ட அடுத்த நொடி ,அனைத்தையும் பேக் செய்து , அறையை காலி செய்தோம்.
கருத்துகள் இல்லை:
கருத்துரையிடுக