மணிவிழா - 61 * சிதையும் உளக்கட்டமைப்பு *

 ஶ்ரீ:

29.01.2023

* சிதையும் உளக்கட்டமைப்பு  *

“வேளுக்குடியுடன்” இணைந்து பயணிக்க விரும்புபவர்கள் அவரை “கடவுள் மனிதர்” என்கிற இடத்தில் வைத்துப் பார்ப்பவர்கள். புரிதலுக்கும் செயல்படுத்துதலுக்கும் அப்பாற்பட்டு ஆன்மீக உரைகளை கேட்பது மாத்திரமே புண்ணியம் சேர்ப்பது என்கிற கருதுகோளை கொண்டவர்கள். இந்து ஞானமரபின் தொடர்ச்சி ஆயிரம் வருடங்களாக உருவாகி நிலைகொண்ட நம்பிக்கையின் நீட்சி. அவரின் தன்னார்வளர் போன்ற அடையாத்தை கொண்டவர்களுடன் சாதாரன எளிய மனிதர்களும் அவரின் நிர்வாகத்தில் ஏதாவதொரு வகையில் பங்கு பெறும் ஆர்வம் கொண்டவர்களாயினர் .

எனக்கும் அவருடன் பயணிக்கும் எண்ணமே இருந்தது, வேறு ஒரு விரிவான தளத்தில். அன்று எனது தேடலில் அதன் சிறு முணையே எனக்குள் தென்பட்டது .அது ஆரம்ப நிலை. பயணத்தில் அதை விரித்துக் கொள்ளும் வாய்ப்பு கிடைக்கும் என்பதால் என்னிடம் இருந்த கருவிகளை கொண்டு சம்பிரதாங்களை இன்று நவீன சமூகம் ஏற்க தடையாக இருப்பதும் அதற்கான மாற்றம் உருவாக இருப்பது எவ்வகையானது, எதை நோக்கியதாக இருக்கும் என்கிற விவாதம் துவங்கப்பட வேண்டும் என நினைத்தேன்.

2012 களில் உள்ள ராமாநுஜர் ஆயிரமாவது ஆண்டு விழாக் குழு துவக்கம் இந்த கருதுகோளை கொண்டதாக இருந்தது. அடுத்த இருபத்தி ஐந்து ஆண்டுகளில் ஆன்மீக எத்தகைய சிக்கலை எதிர்கொள்ள வேண்டி இருக்கும் என்பது குறித்த ஒரு உரையாடல் துவங்கப்பட வேண்டும் என்கிற எண்ணத்தில் “திறந்த அரங்கம்” என்கிற அமைப்பு உருவாக்கப்பட திட்டமிட்டு இறுதிவரை நிகழவில்லை. அதன் திசை அறிய இயலாததாக இருந்தாலும் விளைவது பற்றிய புரிதல் தெளிவாக இருந்தது என்பதால் அது ஒரு குருட்டு பட்டிமன்றத்தை போல இருந்தாலும் “சரி” என்பதே அன்றைய தேர்வாக இருந்தது. இந்து ஞானமரபு தேடலை முதன்மையாக கொண்ட அலைதல் அடிப்படையானது என்பதால் அது ஆண்களுக்கானதாக புரிந்து கொள்ளப்பட்டது. பெண்கள் மிக அரிதாக அதில் தென்படுகிறார்கள். பக்தி வழி தத்துவத்தில் இருந்து மெல்ல விலகி விலகி ஆன்மீகம் இந்து ஞானமரபின் சிறு கூறுகளை கொண்டதாக வடிவெடுத்து இன்றளவும் சற்றேனும் கலாச்சார பண்பாட்டின் தொடர்ச்சி அறுபடாத நிற்கின்றது. தத்துவார்த்த தளத்தில் அது பெரும் வீழ்ச்சியாக நிகழ்ந்து பின் பக்தி மார்க்கம் என்பது ஆன்மீகமாக சடங்கு சம்பிரதாயம் என்கிற அளவில் குறுகியது. பிறகு அது பெண்களுக்கானது என்கிற நடைமுறை புரிதலின் பின்புலத்தில் நிலைகொண்டது. 

கடந்த அரை நூற்றாண்டுகளாக வேகமெடுத்த சமூக சீர்திருத்தங்கள் அவர்களின் மீட்சியாக துவங்கியது போது நுகர்வு கலாச்சாரம் மேலோங்கி பொருளியல் பற்றாகுறையாக உருவெடுத்தது .குடும்ப முடிவுகளில் பெண்களுக்கு சம பங்கு என்கிற அனைவரின் ஏற்பு அவர்கள் வேலைக்கு செல்ல துவங்கிய பிறகு உருவாகிவந்தது அதனால் குடும்ப உறவுகளில் அணுகுமுறையில் பெரிய மாற்றங்களை காணமுடிந்தது. உறவுகளால் அதுவரை அழுந்தி இருந்த பெண்களின் உலகம் சுதந்திரம் பெற்று பெரிய மாறுதல்களை அடையத் துவங்கியது . குடும்ப நிர்வாகத்தில் எதிர்காலம் குறித்த பதற்றம் உருவாகி அதில் கல்வி முதன்மை பெற்ற பிறகு அதன் உலகம் மதிப்பெண்களினால் ஆனது அன்றி பிற எதையும் கருத்தில் கொள்ளாதானது. கல்வி செலவேறியது என்பதால் குழந்தை பிறப்பு சதவீதம் குறைந்தது. கல்வி ஒரு சொத்து போல உருவெடுத்தும் அதில் வெல்ல அழுத்தம் மிகுந்த போது குழந்தைகள் அறிவார்ந்த தளத்தில் எதையும் அறிந்து கொள்ளாதவராயினர். பெற்றோரின் போதாமை அவர்களுக்கு வழிகாட்ட இயலவில்லை.  

இந்த தலைமுறை கடந்த முப்பதாண்டுகளில் உருவாகி பின் இன்றைய உலகம் அவர்கள் அன்றி பிறர் இல்லாமலாயினர். கணிப் பொறி துறையின் வெற்றி நடுத்தர வர்க்கத்தின் பொருளியல் எழுச்சிக்கு அடிப்படையாகி பெண்கள் குடும்ப விவகாரங்களில் நேரடியாக மற்றும் மறைமுகமாக முடிவெடுக்கும் செல்வாக்கு அதிகரித்தது. வெளிநாடுகளுக்கு பணி நிமித்தமாக சென்று வருபவர்கள் அங்குள்ள வாழ்க்கை, வசதி, சுதந்திர மனப்பான்மையை எடுத்துக் கொண்டு அவை இங்கு நம் வாழ்வியலிலும் கலாச்சாரத்திலும் அப்படியே பிரதிபலிக்க வேண்டும் என்று எதிர்பார்க்கிறார்கள் அதற்குள் வந்தமராதவை அனைத்தும் 

நிராகரிக்கப்பட்டன . பொருளாதார வெற்றி தரும் உற்சாகம் அவர்களை நம்பிக்கையுடன் நவீன உலகில் நுழையும் துணிவை கொடுத்தது. ஆனால் அதில் உள்ள நடைமுறை சிக்கல்களை சவால்களை எதிர்கொள்ள முடியாதபடி அவர்களின் மரபான நம்பிக்கை நீர்த்துக் கொண்டிருப்பதை மிக தாமதமாக உணர்ந்தார்கள் அல்லது உணரவில்லை .  இந்தப் போக்கு அனைத்து விழுமியங்களையும் அசைக்கத் துவங்கியது. அதன் விளைவாக குடும்ப உறவுகளில் சிக்கல், மனச்சோர்வு , பிளவுண்ட் ஆளுமை போன்ற உளவியல் சிக்கல்கள் பெருகின. 

விழுமியங்கள் அறத்தின் பார்பட்டவை. அறம் ஆன்மிகத்தில் அமர்ந்திருக்கிறது. ஆன்மீகம் உதாசீன படுகிறகிற போது காலச்சார பண்பாட்டு மற்றும் மரபு அமர்ந்திருக்கும் ஆழ்மனத்துடனாக அதன் தொடர்புகளை இழக்கச் செய்கிறது. அதுவரை எதிர்காலம் குறித்த மரபான நம்பிக்கைகளுக்கு துணைத்த கருவிகள் செயலிழந்து போகச் செய்கின்றது . அன்றாடப் பதட்டம் தவிற்க இயலாததாகி பலவித உளவியல் சிக்கலில் கொண்டு விடுகிறது. அங்கிருந்து உருவாகும் எதிர்மறை அலைகளை அனைத்து நடுத்தர மற்றும் உயர் நடுத்தர வர்க்க குடும்பங்கள் நேரடியாக அல்லது மறைமுகமாக எதிர்கொள்ள வேண்டிய தேவை ஏற்பட்டு அவை சமூகத்தில் நிரந்தரமாக பள்ளங்களாக உருவாக்கி விடுகிறது .

அடையாளமாதல் * கடந்தவைகளின் தேங்குதல் *

 

ஶ்ரீ:

பதிவு : 662  / 852 / தேதி 29 ஜனவரி  2023

* கடந்தவைகளின் தேங்குதல் * 

“ ஆழுள்ளம் ” - 04

மெய்மை- 57.

அறமீறல்கள் வஞ்சங்கள் வழியாக மட்டுமின்றி அசட்டுத்தனமாக கூட ஒரு சில அரசியல் தலைமை உருவாகி பதவியில் சில காலம் நீடித்து நிற்பதை எந்த கணக்கிலும் கொண்டு வைக்க முடியாது. அதைப் புரிந்து கொள்ள குறைந்தது ஒரு தசாப்தம் பின்னோக்கு பயணிக்க வேண்டியிருக்கும். அதில் இன்றைக்கான காரண விதையை கண்டடையலாம் என்றார் சண்முகம் . அரசியலின் அனைத்து விளைவும் ஏதோ ஒன்றின் தொடர்ச்சியாகத்தான் இருக்க முடியும் . எதனுடனும் சம்பந்தப்படாது முற்றிலும் புதியதாக ஒன்று உருவாகி வந்துவிடாது என்று சொல்லுவார் . அது புரிந்து கொள்ளக் கூடியது.  ஒவ்வொரு பத்து வருட அடுக்கும் ஒரு தசாப்தம். தசாப்தக் கணக்கை எந்த வருடத்தில் இருந்தும் தொடங்கலாம்.  முதல் அடுக்கு மற்றும் அதன் அடுத்தடுத்த அடுக்குகளுக்கு பயணிக்கும் போது அதன் மாபெரும் வலைப்பிண்ணலை பார்க்க முடியும் என்றார். சண்முகம் கை பிடித்து காட்டியதால் புரிந்து கொள்ள அந்தக் கோட்பாடு மிக எளிதாக இருப்பதாக தோன்றியது.நான் அது மாதிரி ஒன்றை உருவாக்க முயன்று ஒரு கட்டத்தில் அதில் தொலைந்து போயிருக்கிறேன். பல வருடம் கழித்து ஒரு நிகழ்வு என்னை பின்னோக்கி சிந்திக்க வைத்த போது சட்டென அந்த கோட்பாட்டிற்குள் பின்னர் நீண்ட அரசியல் காலத்தை முன்னும் பின்னுமாக நகர்த்தி வந்தது திகைக்க வைக்கும் அனுபவம்.

“எல்லா அரசியல்வாதியும் கொஞ்சம் முயன்று அதன் உட்கூறுகளை அறிந்து கொள்ள முடியுமானால் அரசியலின் போக்கையே அது மாற்றிவிடுமே” என்று நான் அவரிடம் சொன்ன போது  “இந்த கணக்கில் எப்போதும் அதிகாரத்தில் இருப்பவர்களுக்கு பிடி கிடைப்பதில்லை காரணம் அவர்கள் அரசியல் அதிகாரத்தில் திளைத்திருக்கிறார்கள். அதிகாரம் தளைப்பதால்தான் அந்த தேக்க நிலையே உருவாகிறது” என்றார். “அதிகாரத்தில் இருப்பவருக்கு அதில் உள்ள சுமையால் உள்ளம் குவியாது என்பதால் இவற்றை பார்க்க முடிவதில்லை. மேலும் இயற்கை ஒரு விழியின்மையை கொடுத்து விடுகிறது. அந்த பதவிகாலம் முடியும்வரை பிறவற்றை அந்தக் கண்களால் பார்க்க இயலாது” என்றார் . 

அரசியலில் அனுபவமுள்ளவர்கள அந்த அகக்குருட்டில் இருந்து மனதளவில் மீட்சி கொள்ள நிகழ் அரசியலைப் பற்றிய புரிதலுக்கு அதை அவதானிக்க, கடந்த காலத்தை பிரித்து பிரித்து பார்த்து அதன் விதையை பின் அது உருவாக்கும் போக்கை அறிந்து கொள்வதுடன் , அந்த செய்திகளுக்கு முன்னும் பின்னுமாக நகர்ந்து அதன் ஒழுக்கு வேறு இடங்களில் எப்படி வெளிபடும் என புரிந்து கொள்ள முயல்வது அரசியலின் போக்கை ஒழுக்கை உணரச் செய்கிறது . பின் அங்கிருந்து தங்கள் எதிர்காலம் என்னவாக இருக்கக் கூடும் என்பது பற்றி அதனால் அரசியலின் விளைவு என்னவாக இருக்கும் என ஊகிக்க முயல்கிறர்கள் . நிகழ் அரசியலை உற்று நோக்குவதற்கு அவற்றின் வகைகளை அறிந்து கொள்ள மிக நுட்பமான வழிகளாக இவை சொல்லப்படுகின்றன . இது சண்முகத்திடம் இருந்து எனக்கு வந்த பழக்கம். ஒரு முறை தொட்டுவிட்டால் பின் அதிலிருந்து விலகுவது கடினமானது. அது ஒரு வகை மனப்பழக்கம் நம்மை மீறி மனதை அதில் ஒன்றச் செய்துவிடும். தன்னியல்பாக மிக தீவிரமாக பொருத்து பார்ப்பதை அது ஒருபோதும் நிறுத்தாது . உற்சாகத்தால் சம புரிதல் இல்லாதவர்களிடம் இது பற்றி உரையாடினால் “கழன்ற கேஸ்” பட்டம் நிச்சயம்.

அரசியல் அரசு சூழ்தலால் நிகழ்கிறது என்பது அதை ஆதரிப்பவர்கள் சொல்லுவது. அரசியலும் கூட அறத்தால் நிற்பது என்பதற்கு இங்கு மிக நீண்ட மரபு நமக்கிருக்கிறது. அரசியலின் பொருட்டு எதையும் இயற்றலாம் என்பது பரப்பிய அரசியல் எழுந்த பிறகு உருவானது. பின் அங்கிருந்து அது அடைந்த வீழ்ச்சியே இன்றைய அரசியல் பாணியாக இந்தியா முழுவதும் உருவாகி நிற்கிறது . அதை பொதுப் போக்காக கொள்ள முடியாது . அதை ஏற்காமல் அரசியலில் இருப்பவர்கள் மிகச் சிலர் என்றாலும் அவர்களை கொண்டே மொத்த அரசியலும் தன்னை வகுத்துக் கொண்டதை வரலாறு முழுக்க பார்க்க முடிகிறது. 

யாரையும் பொருட்படுத்தாத தலைமை ஒன்று நிகழும் போது அனைவரும் அதிர்ந்ததைப் போல பாவனை செய்தாலும் அதை பெயராளவில் கூட எதிர்ப்பதில்லை என்பது மொத்த அமைப்பை நீர்த்துப் போகச் செய்கிறது . அதன் வழியாக அவர்களும் அந்த வீழ்ச்சியில் பங்கு கொள்கிறார்கள் . குழு குழுவாக அதைப் பற்றிய அலர் பேச்சு எங்கும் இருந்தாலும் யாரும் அதற்கு எதிராக சிறு புல்லைக் கூட அசைக்க மாட்டார்கள். பேச்சும் அங்கலாய்ப்புமாக காலம் ஓடிக் கொண்டேயிருப்பதை பார்த்திருக்கிறேன் . அந்த தலைமையை நேரில் சந்திக்கும் போது பணிவும் அவர்களின் உடல்கள் வழியாக வெளிப்படும்  குறுகலும் குமட்டலை உருவாக்கிவிடும். அந்த தலைமை நீடித்தி நிற்கப்போகிறது என கூச்சமில்லாமல் பேசுவார்கள் அதற்கான் தர்க்கங்களை முன்வைத்து அரசியலை பேசி அவர்களும் அதன் அங்காமாகிறார்கள். இவர்களைப் போன்றவர்களால் அத்தகைய அரசியல் நீடிக்கிறது. அத்தகைய தலைமை வந்து அமரும் போது அவர்களின் செயல்பாடுகள் எந்த தர்க்க நியாயத்திற்கும் பொருந்தாமல் அடிப்படைகளை நோக்கிய கேள்வியை அது எழுப்பிவிடுகிறது . அது ஒரு அராஜகம் அதை எதிர்ககாமல் போவது அரசியல் இழிவு. ஜனநாயக பன்பு கொண்ட தலைவர்கள் அதே பதவிகளில் இருக்கும் போது அவர்களின் எல்லா அரசியல் செயல்பாடுகளை பற்றி விமர்சிக்கும் , எதிர்க்கும் இதே கும்பல் அறத்தின் காவலர்களாக மீறப்பட்டு விட்டதாக கொப்பளித்து ஆர்பரித்து நிற்கிறார்கள் . ஆனால் எதிர்மறைத் தலைமைக்கு முன் அவர்கள் கானாமலாகி விடுகிறார்கள். அரசியலில் ஜனநாயகப் பண்பிற்காக இடம் அவ்வளவுதான் போல.

மணிவிழா - 60 * காலாகால இடையே *

 

ஶ்ரீ:

28.01.2023

* காலாகாலங்களுக்கு இடையே  *

எனது அரசியல் குரு தலைவர் சண்முகத்திடம் கண்ட தலைமை பண்பு என்னை வடிவமைத்தது கொள்ள உதவியது. செயல்பாடுகளை கூர் தீட்டியது , அரசியலில் எனக்கென முகத்தை உருவாக்கிக் கொடுத்தது. காரணம் அறத்தை நெறிகளை விழுமியங்களை சார்ந்த அரசியலை அறிமுகம் செய்து வைத்து அன்றாட அரசியல் சரிநிலைகளை நிராகரித்து அதை நிராகரிப்பவர் அரசியலில் வெல்லவும் முடியும் என்கிற நம்பிக்கை அவரின் அசாத்திய வெற்றி ஏற்படுத்தியது. நான் அவரிடம் இருந்து பெற்றுக் கொண்டவை அந்த நம்பிக்கைகளை . அரசியலில் அனைத்திற்கும் இடமுண்டு என்றும் அதற்காக எதையும் விட்டுக் கொடுக்கலாம் என சொல்லுபவர்களுக்கு சராசரி அரசியலாளர்களுக்கு மத்தியில் அவர்களை மறுத்து சண்முகத்தின் வெற்றி பல பத்தாண்டுகள் நின்றிருந்தது. அதே சமயம் நம்பிக்கை செயல்படாத காலம் என ஒன்றுண்டு. விதைப் பருவம் போல அரசியலிலும் உண்டு. அந்த பருவங்கள் நம்பிக்கையால் மட்டுமே கடக்க இயல்வது. ஆன்மீகமான இருப்பு அதை துணைக்க வேண்டும். காலத்திற்கு காத்திருப்பது அரசியலின் பால பாடம். அப்படி ஒரு காலம் வாராமல் போகுமானால் அது ஊழ் என ஒதுங்கவும் தெரிய வேண்டும் என்பதையும் அவர் தான் கையளித்தார். அரசியல் இடம் விட்டு விலகாதவர்களின் களம். தோல்விகளை ஏற்காதவர்கள் தொழில். அவர்களை கைவிடாத முயற்சிகளினால் வெற்றிகளை ஈட்டுபவர்கள் என ஒரு பக்கம் சொன்னாலும் அதன் மறுபக்க எடைக்கு நிகர் வைப்படுவது ஊழ். அதை ஆழ் மனத்தால் உணராதவர் யாருமில்லை. உணர இயலாதவர்களுக்கு அரசியல் தேவையற்ற வீண் சுமை. அரசியல் என்னை முதன்மையாக கொள்ளும் ஒரு சூழல் எழுந்ததும் அனைத்திற்கும் அவரை முன்மாதிரியாக மனம் கொண்டது.

அதுபோன்ற தலைமையின் கீழ் அனைத்தையும் உரையாடி விவாதித்து விவாதித்து அல்லது முரண்பட்டு செய்ய வேண்டிய தேவைகள் ஏற்படுவதில்லை. விழுமியங்களில் நம்பிக்கையும் அதனால் உருவாகும் எளிய சமரசங்களை மறுத்து மாற்றமில்லாது நிற்கும் நிலைபாடுகள் போன்றவைகள் அவர்களுடன் நம் ஆழ்மனம் எப்போதும் பிணைந்திருக்க வைக்கிறது . அவர்கள் அடுத்து செய்யக்கூடியது என நம்மால் மிக எளிதாக ஊகிக்க முடிபவராக அவர்கள் இருந்திருக்கிறார்கள். அவர்களுக்கு ஏற்றது ஏற்காதது என நம்மால் அனைத்தையும் அவதானிக்க முடியும். அவர்கள் நினைப்பதை கடந்து பிறிதொரு இடத்தில் அவர்கள் எதிர்பார்த்ததை விட சிறப்பாக அமையும் தருணங்களின் வெற்றி பல வாய்த்துள்ளன. அவையே என்னை களத்தில் தனியாளுமையாக நிற்க உதவியது . 

வேளுக்குடி ஸ்வாமியுடன் அதற்கு நிகரான ஆழ்மன தொடர்பு பத்து வருடங்கள் மேல் நீடித்திருந்து. அந்த காலகட்டத்தில் நிகழ்த்திய ஆயிரமாவது ஆண்டு நிகழ்வுகள் , பிற ஏற்பாடுகள் மற்றும் பக்தி இலக்கியம் பற்றி புரிதலை உருவாக்கும் வாய்ப்புகள் திறந்து கொண்டு எழுந்து வந்தன. எனது தேவையென்ன என்பது குறித்த வடிவை மெல்ல உருவாக்கிக் கொண்டிருந்தேன். வேளுக்குடி ஸ்வமியுடன் வருடத்தில் சில முறையே நேரில் சந்தித்தாலும் அறுபடாத மனத் தொடர்ச்சியை உணர்ந்திருக்கிறேன். 

ஆன்மீக உலகில் அவரது எழுச்சி அவரே எதிர் நோக்காத ஒரு தருணத்தில் நடந்தது . தொலைகாட்சி ஊடகங்கள் அந்த மாயத்தை நிகழ்த்தின. அதில் அவரது திட்டமிடல் என ஏதுமில்லை. திட்டமிடாமல் வந்து குவிபவை ஊழின் பகுதிகள் என்பதால் ஆபத்தானவை . எதிர் நோக்காத தருணத்தில் அதை எதிர் கொள்பவர்கள் பின் வாழ்கை முழுவதும் அதை தக்க வைக்க முயன்று கொண்டே இருப்பதை பார்த்திருக்கிறேன். அதில் பெரும் வெற்றி பெற்றவராக நான் வேளுக்குடி ஸ்வாமியை பார்க்கிறேன். 

வருடத்திற்கு ஒரு முறை புது வருடத்தை ஒட்டி அவரது வீட்டிற்கு அருகே அவர் நடத்தும் நிகழ்வில் அந்த வருடம் யாரும் எதிர் நோக்காத பிரம்மாண்டமான திரள் அவருக்கென முதல் முறையாக கூடி அவரை திகைக்க வைத்தது. அதுதான் துவக்கம் அது சொல்ல வந்த செய்தியை தெளிவாக உள்வாங்கி தன்னை அதற்கேற்ப வடிவமைத்துக் கொண்டார். மெல்ல ‘தான்’ மட்டும் தனித்து அது கோருவதை கொடுக்க முடியாது என உணர்ந்து தனக்கான நிர்வாக வளைவை உருவாக்கினார். ஆனால் அது அவரை நோக்கி வந்து கொண்டிருந்த திரளை எதிர் கொள்ள போதுமான கருவிகளை உருவாக்கிக் கொள்ளும் நேரத்தை அதற்கு தரவில்லை இயலவில்லை என நினைக்கிறேன். அவரை சூழந்திருந்த நிர்வாக குழுவின் போதாமையை அவர் அறிந்திருக்க வேண்டும். அவருக்கான தடைகள் அவர் சார்ந்த சமூகத்தின் வழியாக அவருக்கு அளிக்கப்பட்டுக் கொண்டே இருந்தது. மூன்று வகையானவர்கள் அவரின் நிர்வாகத்தின் கீழ் வந்தவர்கள். ஒன்று வைதிகர்கள் ஆச்சாரத்தை சிறுவயது முதல் பேணுபவர்கள் என்பதால் எங்கும் தனியிடம் கோருபவர்கள். கோவில் நிர்வகத்திற்கு மிக அணுக்கமானவர்கள். அவர்களை உத்தேசித்து வேளுக்குடி நடத்தும் வேத பாடசாலை நிகழ்வுகள் போன்றவை அதன் இரு பக்க தேவைகளை தீர்க்க முயற்சித்தது . 

இரண்டாம் வகையினர் நேற்றுவரை அரசு அல்லது தனியார் நிறுவனங்களில் பணியாற்றியவர்கள். ஓய்விற்கு பிறகு செல்ல வேறு இடமின்றி ஆன்மீகத்திற்குள் வருபவர்கள். எந்த ஆச்சார அனுஷ்டானமும் இல்லாமல் இருந்தவர்கள் என்பதால் வைதிகர்களின் நிரையில் சென்று அமர முடியாது. அதற்குண்டான எந்த கருவியும் செயலும் இல்லாதவர்கள். ஆனால் அதற்கு இணையான இடத்தை பெற அதிகார அரசியலில் நிபுணர்களாக எப்போதும் இருக்கிறார்கள்.தங்கள் இடத்தை உறுதி செய்து கொள்ள அவர்களின் அரசியல் அதிகாரத்தை சாமானியனிடத்தில் கொண்டு வைத்து அவர்களுன் வெறுப்புக்குள்ளானவர்கள் . தங்களை மறுப்பவர்களுக்கு எதிராக அவர்கள் மேற்கொள்ளும் அரசியல் அதிகார விழைவு வேளுக்குடி நினைக்கும் நிர்வகத்திற்கு நிரந்தர தடை. எவ்வகையிலும் அவர்களை கட்டுப்படுத்துவது நிகழ வாய்ப்பில்லை. 

மூன்றாவது தரப்பினர் வேளுக்குடியுடன் இணைந்து பயணிக்க விரும்புபவர்கள். தன்னார்வளர் போன்ற அடையாத்தை கொண்டவர்கள் நிர்வாகத்தில் பெறும் பங்கு கொண்டவர்கள் அங்கு நிகழும் அரசியலால் அலைக்கழிக்கப்படுபவர்கள். இவர்களே எண்ணிக்கையில் அதிகம்.