ஶ்ரீ:
பதிவு : 338 / 510 / தேதி :- 17 மே 2018
* தீரா வஞ்சம்*
“ நெருக்கத்தின் விழைவு ” - 32
விபரீதக் கூட்டு -04.
முடிவெடுகப்பட்டு ஆட்சிலிருந்து வெளியேறுவது என்கிற தீர்மாணத்திற்கு வந்த பிறகு சண்முகத்திற்கு சவால்கள் துவங்கின , தில்லிக்கு புதுவைக்குமான இடைவெளி ,மற்றும் பல காரணங்களினால் என்ன நிகழ்ந்து கொண்டிருக்கிறது என யாருக்கும் புரியவில்லை . அமைச்சர்களை தனித்தனியாக அழைத்து பல்வேறு விஷயங்களின் அடிப்படையில் அவர்களுக்கு தகவல்கள் சொல்லப்பட்டன . பொதுவில் அனைவருக்குமான, தகவல் கூட்டணியில் இருந்து வெளியேறி காங்கிரஸ் தனித்து ஆட்சியமைக்க போகிறது என்பதாக இருந்தது .
கட்சிக்குள் திரைமறைவில் சணமுகத்திற்கு எதிராக நடந்த சில விஷயங்களை கருதி காங்கிரஸ் சட்டமன்ற உறுப்பினர்களை மட்டும் அவர் நம்பியிராது திமுக மற்றும் பல கட்சியிலிருந்து ஆதரவு திரட்டப்பட்டது . எந்த வகையிலும் இதிலிருந்து தப்பிக்காத முறையில் திமுக பலவீனபடுத்த அவை தெளிவாக திட்டமிடப்பட்டிருந்தது . ஜோசப் மரியதாஸ் , சுப்ராய கவுண்டர், பழனி ராஜா ,சாலி மரைக்காயர் , யாணம் காமிச்செட்டி ,போன்ற ஆறுக்கும் அதிகமான முதல்வர் ராமச்சந்திரனுக்கு எதிரானவர்கள் அனைவரும் பல முனைகளால் குவிக்க பட்டார்கள் . குறித்த நாளில் ஆளுநரை சந்தித்து ஆதரவு வாபஸ் பெறப்பட்டு கூட்டணி ஆட்சி முடிவிற்கு வந்தது .
இன்று வரையில் புரிந்து கொள்ள முடியாத சர்ச்சைக் குறிய கோணம் , ஆட்சி மாற்ற முயற்சி வெற்றியடையாமல் போனதால் கவிழ்ந்ததா? அல்லது முதலில் இருந்தே சண்முகத்திற்கு ஆட்சி கலப்பை மட்டும்தான் நோக்கமா கொண்டிருந்தாரா ? என்பதற்கு சாட்சி இல்லை . நான் அவரிடம், அது பற்றிய உரையாடலில் தனக்கு ஆட்சியை கலைப்பு மட்டுமே நோக்கம் என்றும் தன்னை இந்த இடத்திற்கு நகர்த்திய விசை ராஜ்யசபை தேர்தல் மட்டுமே என சொல்லியிருந்தார் . அரசியலாளர்கள் கூற்றை அப்படியே எடுத்துக் கொள்ள முடியாது என்றாலும் , ஆனால் டாக்டர் ஆனந்தவேலுவின் பெயர் அரசாங்க அதிகாரப்பூர்வ இதழில் வெளியிட்டதை தில்லியிலிருந்து கொண்டு ரத்து செய்த வேகம் போன்றவை அது உண்மையாக இருக்கும் வாய்ப்பையும் சொல்லுபவையே . ஆனால் அதன் தொடர்ச்சியாக பின்னாளில் நிகழ்ந்த சில விஷயங்களையும் கருத்தில் எடுத்து பார்த்தால் மட்டுமே அன்றைய உண்மைநிலையை மேலும் விரிவாக காட்டுபவை.
சண்முகத்தின் திட்டத்தை பிசிறில்லாமல் செய்து முடித்த துணை சபாநாயகர் ஜோசப் மரியதாஸ் , மற்றும் சுப்ராய கவுன்டர் முக்கிய பங்கு வகித்ததால் , அவர்களுக்கு 1985 தேர்தலி,காங்கிரஸ் சார்பில் சீட்டு கொடுக்கப்பட்டு அதில் ஜோசப் மரியதாஸ் அமைச்சராக பதவியில் அமர்ந்தார் . ரேணுகா அப்பாதுரை தில்லியில் தனக்கான லாபி உருவாக்க முயற்சித்தமையால் , அவரால் கட்சி ரீதியில் பெரிய சிக்கலை சந்தித்ததால் சண்முகம் ,ரேணுகா அப்பாதுரையை பின் ஒருபோதும் அரசியல் வேலிக்குள் அனுமதிக்கவில்லை .
கருத்துகள் இல்லை:
கருத்துரையிடுக