ஶ்ரீ:
பதிவு : 331 / 503 / தேதி :- 10 மே 2018
* அரசு சூழ்தல் *
“ நெருக்கத்தின் விழைவு ” - 26
விபரீதக் கூட்டு -04.
கூட்டணி மந்திரிசபை பற்றிய சண்முகத்தின் கணக்கு தேர்தலுக்கு முன்பாகவே கையை மீறி இருந்தது . காங்கிரஸ் கடந்த மூன்று தேதர்தலில் சந்தித்த தோல்வி அதை கூட்டணி கட்சியுடன் சீட்டுக்கு பேரம்பேசும் நிலையில் வைத்திருக்கவில்லை , தனிப் பெரும்பான்மையுடன் ஆட்சி ஆமைக்கக் கூடிய நிலையில் கூட்டணியில் அதிக இடங்களை கேட்டுப் பெறும் சூழலில் அப்போது அது இல்லை என்பது முக்கிய காரணியாக இருந்திருக்கலாம் என நினைக்கிறேன் .
காங்கிரஸ் மத்தியில் ஜனதா அரசின் வீழ்ச்சியிலிருந்து தன்னை மீட்டு வளர்த்துக்கொண்டு தில்லியிலும் , புதுவை மாநிலத்தில் ஆளுநர் மூலம் அதிகாரம் பெற்றிருந்த போது , அதே கட்சியை சேர்ந்த சண்முகத்தற்கு பிறிதேதோ ஒரு சமன்பாடு குலைவால் , ஆட்சியிலிருந்து வெளியேற வேண்டும் என்கிற முடிவின் எல்லைக்கு சென்றார். சொந்தக் சட்டமன்ற உறுப்பினர்களுக்கும் கடைசீவரை தெரியாது என்கிற ஒரு மாயமான சூழலில் அது நடந்தேரியது . என்ன மாதிரியான காரணம் சொல்லி சண்முகத்தால் அதற்கு தில்லியின் ஒப்புதல் பெற்றார் என்பதை , பின்னொருநாள் அவர் சொன்ன கோணத்தை பிறிதொரு பதிவில் பார்ப்போம் அரசு சூழ்தலின் உச்சம் அது எனநாங்கள் , நினைத்ததுண்டு . "இயல்பில்லாத ஒன்றின் இயல்பு அது என நம்பவைப்பது " என்பார் சண்முகம் . "சிறுத்தையின் சிரிப்பை" போல .
இந்தப்பதிவு அப்போது நிலவிய விசித்திர சூழலை பற்றியும், சண்முகத்தின் போதாமை குறித்தும் எங்களிடம் பரவலாக இருந்த கருத்துக்கள் முற்றாக உண்மையில்லை என ஒதுக்குவதற்கில்லை. அப்போது “அரசியல் கற்றலை” நோக்கிய மாணவர்களின் ஆர்வம் எங்களுக்கு மிகுந்திருந்த காலம் . மாநில அரசியல் களதில் வலுவாக இளைஞர் காங்கிரஸ் வேரூன்ற முயற்சித்துக் கொண்டிருந்தது . சில குறிப்பிடத்தக்க வெற்றிகளை அப்போது அது அடைந்திருந்தது . இளைஞர் காங்கிரசின் தலவராக கண்ணன் பெரும் தொண்டர்பலத்தின் பிண்ணியில் தனக்கும் சீட்டு கேட்டு ஏமாற்றப்பட்ட நிகழ்வுகளும் அப்போது நடந்தேறி இருந்தது .
அன்றைய இளைஞர் காங்கிரஸ் அமைப்பில் நகர் புற இளைஞர்களின் தேவை வேறுவிதமானவைகள் , நாங்கள் அவற்றை கடந்து கிராமப்புறங்களில் உள்ள மூத்த காங்கிரஸ் உறுப்பினர்கள் , தலைவர்கள் போன்றவர்களுடன் மிக அணுக்கமாக இருக்கும் வாய்ப்பை அப்போதுதான் நாங்கள் அடைந்தோம் . அவர்களில் பலர் சுதந்திர போராட்ட காலத்தில் முக்கிய பங்கு வகித்தவர்கள் ,சிலர் அரசியல் களமாடலில் நழுவி விழுந்தவர்கள், , மூன்றாவது தரப்பு குபேர் , சண்முகம் அரசியலில் நிலை எடுக்க முடியாது வெறுத்து ஒதுங்கியவர்கள் , நாங்கள் மூன்றாவது தரப்பை சேந்தவர்களைத்தான் பெரிதும் சார்ந்திருந்தோம் . கற்றுக்கொள்ள அவர்களிடம்தான் எங்களுக்கான பாடங்கள் இருந்தன . அரசியலில் எனக்கான வாய்ப்பு கிடைத்த போது அமைப்பு நான் ரீதியாக எடுத்த சில பல முயற்சிகளுக்கும் அவற்றின் பெரிய வெற்றிகளுக்கும் இவர்கள்தான் பின்புலமாய் இருந்தார்கள் . அதனாலேயே சண்முகம் எங்களையும் ஒரு தரப்பாக அங்கீகரித்தது அதன் பிறகுதான் .
கருத்துகள் இல்லை:
கருத்துரையிடுக