கிருபாநிதி அரிகிருஷ்ணன்

இந்த வளைத்தளம் , யாருக்கும் ஏதும் சொல்லவந்ததல்ல , என் நினைவுகளின் மடிப்புகளில் படிந்துள்ள நிகழ்வுகளைத் தொகுக்கவும் கசப்புகளை எழுதி அவற்றைக் கடக்கவும்,வாழ்கையின் அழகியலில் என்னை முற்றாக புரிந்து கொள்ளவும் முயற்சியாக அமைந்துள்ளது .என் வாழ்வில் இவற்றை நிகழ்த்தியவர்களின் நாளைய பார்வைக்கு இவற்றை விட்டுச்செல்கிறேன் ,அதைத் தாண்டி வேறு யாருக்காவது இது பொருள்படுமாயின் அது தற்செயலே . என் எழுத்துக்களுக்கு என்னை அறிமுகம் செய்து வைத்த திரு.ஜெயமோகன் அவர்களுக்கு என் நன்றிகள் - கிருபாநிதி அரிகிருஷ்ணன்.

செவ்வாய், 16 ஜனவரி, 2024

வித்வான்கள் கௌரவிக்கப்படுகிறார்கள்

திங்கள், 15 ஜனவரி, 2024

காணும் பொங்கல்

ஒவ்வொரு வருடமும் காணும் பொங்கல் அன்று நாதஸ்வர வித்வான் கணேசன் அவர்களின் நாதஸ்வர இசை ஒலிக்கும். அதிகாலை வந்து விடுவார். பூஜை அறையில் அவர் வாசிக்க சொல்லுவது வழக்கம். இந்த முறை பொங்கல் அன்றே வருகிறேன் என்றார். இம்முறை பொங்கல் பூஜை அவரது நாதஸ்வர இசையுடன் நிகழ்ந்தது ஒரு இனிமையானதாக இருந்தது. மனத்திற்கு மிகவும் அணுக்கமாக உணர்தேன்

புதன், 10 ஜனவரி, 2024

இல்லத்து ஆழ்வார் மோட்சமும் மீளலும்

நம்மாழ்வார் மோட்சம் பற்றி நிறை நிகழ்வுகளை அறிந்திருந்தாலும் சிலமுறை சமூக ஊடகங்களில் பார்த்திருந்தாலும் நித்தியபடி கன் ஆராதனையில் இருக்கும் என் இஷ்ட தெய்வமான அவருக்கு அதை என் வீட்டில் நிகழ்த்தி பார்க்க வேண்டும் என்கிற எண்ணம் தோன்றியதில்லை. சட்டென அந்த நாள் வந்ததும் இது நினைவில் எழ என் பூஜை அறையில் அதை நிகழ்த்தி பார்த்தேன்.

மனதிற்கு மிக நெருக்கமாக இருந்தாலும் சூழ்விசும்பு பாசுரம் ஒலித்த போது மனம் விம்முவதை அமக்க முடியவில்லை. ஒரு வேளை பெருமாள் அவரை எனக்கு திரும்பத் தராது போனால் என்ன செய்வது என்கிற அச்சம் எழுந்ததை தவிற்க முடியவில்லை. திருக்கண்ணமுதுடன் நிறைவாக இருந்தது.